٢٣- مريض سكري
- جنتل توكسيك مان
- نيرة شريف
ألف سلامة على عمار 😭❤..!
سأظل اتساءل، ما رأيكم بموسى الجوهري؟
___________________________________
استيقظت حبيبة على صوت دق عنيف على الباب، قامت وهي تهرول نحو الباب ثم قالت:
مين؟؟
" أنا موسى افتحي. "
" يارب يا ستار. "
قالتها بداخلها ثم فتحت الباب فوجدته يطالعها وعينيه حمراء ولكن ليست لأنه غاضب إنما هو كان نائم! بل وضاعت عليه رحلته.
" أزيك يا كابتن. "
قالتها ثم دخلت غرفتها وأتت بهاتفها ثم قالت:
الساعة دلوقتي اتنين ونص، أنا هجهز ونروح السفارة.
" أنا الطيارة راحت عليا، راحت عليا!! "
نظرت له بشهقة ثم سرعان ما ابتسمت وقالت وهي تشكر الله علنيّا وبفرحة:
الحمد لله يارب الحمد لله.
صاح وهو يرمقها بغيظ ثم قال:
مبسوطة؟ أنتِ السبب أنتِ أكيد عملتيها قصد.
" يأخي إياك وسوء الظن، أنا كنت نايمة زيك
مش مهم أبقى شوف رحلة تانية وفكّر بطريقة تانية
يعني قبل كده حصلك وضاعت عليك طيارة. "
هز رأسه بإتهام ونفي قائلًا:
أبدًا وحصلت بسببك أنتِ.
رمقته بطرف عينيها ثم قالت:
أنا معرفش تدابير ربنا بس أكيد ليه حكمة من اللي حصل، يمكن تكوني في صالحي أنا.
" المهم أنا. "
قالها وهو يشير على نفسه فقالت بابتسامة وهي تغلق الباب ببطء:
أنا هروح ألبس ونزلالك، اعطيني بس دقائق.
" هتجنني والله. "
قالها وهو يضرب كفًا بكف ثم انتظرها بالأسفل، نزلت له ثم وجدته فتوجهت نحوه، وجدته يطالعها بنظرات مغتاظة دون أن يتفوه بأي كلمة لذا قالت وهي قاطبة حاجبيها:
خلاص بقى، حد يسيب تركيا ويبقى مدلدق على مصر؟
" مش بتاع فسح أنا وياريت متكلمنيش دلوقتي علشان أنا مش طايق نفسي. "
نظرت له بقلة حيلة ثم قالت:
طيب نتحرك؟
لم يرد عليها فقط تحرك وتحركت هي خلفه ثم ركبا سويًا سيارة أجرة كانت بالخارج، توجهت بهم نحو السفارة وطوال الطريق وهو على وضع الصامت، حتى وصل بهم السائق فنزل معها وبدون سابق إنذار رفع سبابته لها ثم قال بانفعال:
دي أخر حاجة هساعدك فيها فاهمة؟
" ده عندها، أنا معرفش غيرك. "
ضيق عينيه ثم قال:
ولأجل السفالة دي مش هساعدك.
قالها ثم تحرك سريعًا فقطعت طريقه قائلة:
يعم بنكشك شوية مالك كده.
" أنا مفاتنيش توك توك ماشي؟ أنا فاتتني الطيارة. "
أنت تقرأ
جنتل توكسيك مان
Romance" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
