جنتل توكسيك مان

39- لوحة وسلسلة وصندوق

٣٩- لوحة وسلسلة وصندوق
- جنتل توكسيك مان
- نيرة شريف

مسمعش حد يغلط في فرحات تاني، الفصل كان متعب أوي أوي بحثت كتير أخد وقت

متنسوش النجمة. ♡

____________________________________

بداخل شركة الجوهري للأدوية كانت شهد جالسة على مكتبها تحكي مع عنود وهي تتحدث بحنق قائلة:
يا عنود يعني أيه تسيبي الشركة.

" عمار طلب مني وأنا تعبانة شوية مش هقدر. "

قلبت شهد عينيها بضيق وقالت:
طيب وأنا مين يقعد معايا هنا ده أنا معرفش غيرك، غير ناصر ده أنا مش طايقة أشوفه ومبرضاش اتعامل معاه.

" سيبك من ناصر يا شهد ومتتعامليش معاه دلوقتي لغاية ما عمار يتدخل. "

" ماشي بس أنـ.. "
توقفت حين وجدته أتيًا من الخارج وهو يلوح لها بكف يده ويبتسم باستفزاز، فرمقته بعدم تصديق وغيظ وهي تقول:
شايفة يا عنود؟ جاي من بره بيعملي باي باي بوشه السمج ده.

" يا بنتي أنا مش عارفة إيه العلاقة النتنة دي بجد!
ما تتلموا بقى. "

" طيب يا عنود امشي دلوقتي لما أشوف الزفت القطران الشغل اللي عليا. "

أغلقت معها الخط وظلت جالسة حتى أتاها مكالمة من مكتب عمار فدخلت له، جلست ووجدت ناصر جالسًا في مكان عمار! رمقته بتوجس وقالت:
إيه ده؟

جاء صوت عمار من خلفها فاستدارت له وقال هو:
ناصر الفترة الجاية هيجي يمسك مكاني الشغل بالصبح وهو كده كده المدير التنفيذي للشركة زيه زيي.

" تمام يا دكتور عمار بس كان ممكن تعرفني أنا وباقي الموظفين كلنا إشمعنا أنا؟ "

" علشان كنت عايزك بخصوص ناصر، هو قالي إنه اتقدملك أنا مكنتش أعرف أصلًا فاقعدي نتكلم. "

جلست وعلى وجهها علامات الامتعاض فقال عمار:
أنا أضمنلك ناصر، هو عايز يبني أسرة بجد، ناصر وحيد معندوش أهل وشاب كويس في شغله وأخلاقه معقولة وبيصلي وبيحاول يكون ملتزم بس بيفشل.

" في إيه يا عمار؟ متعرفش تنهيها بكلمة عدلة. "

برّق له عمار ثم قال باهتمام لها:
ها إيه رأيك توافقي؟ خطوبة بس وبعدين ليكي تقرري.

هزت شهد رأسها برفض قائلة:
لا مش عايزه ومش جاهزة أنا أسفة، دلوقتي بابا مصمم عليه ومستني الباشا يكلمه فياريت الرفض يجي من عنده علشان أنا مش هقبل اتجوز غصب عني.

أمسك ناصر بإحدى الملفات ليرميها لكن سرعان ما انتبه لنفسه وقال:
شايف رافعة مناخيرها إزاي؟
تلاقي فين أنتِ واحد زي ناصر عساف ها؟