١٩- يطاردها في خطبتها
- جنتل توكسيك مان
- نيرة شريف
متنسوش النجمة وانچوي.. 💘
____________________________________
" شكرًا خالص، ده أنا قولت تلاقي صاحبة عنود اتلغبطت وحطت طبق الورد الأبيض مكان الورد الاحمر بس الحمد لله إنك سبقتها وحطيته. "
صدمة ألجمتها وشلتها عن النطق فنظرت له وهي تبلع ريقها وبإحراج شديد تصنعت أنها لم تسمع الحديث هذا.
نظر لها ناصر وهو يبادلها تلك الابتسامة المنتصرة التي كانت تبادله إياها، ذهبت حنان واقترب هو منها وهو يطالعها بصدمة قائلًا:
أوبس آنسة بتنجانة اتكسفت.
" بتنجانة إكمني سمرا يعني؟
أنت بتتعنصر عليا؟ "
قالتها بإتهام وهجوم فرد وهو يهز رأسه بيأس وقال:
وكمان غبية؟
" الله لا يسامحك، ده ربما كلمة تقولها بهزار لأحدهم وأحدهم مبيعرفش ينام ما بالك أنت قاصد. "
نفى قائلًا بصدق:
يا بنتي بتنجانة دي تريقة مش تنمر وملهاش دعوة بلونك ده أيه التخلف ده، أنا هقلق على العريس بجد لو أنتِ صاحبة العروسة.
" مستفز. "
قالتها وهي ترمقه بسخط ثم ذهبت وتركته بعيد فنظر لها بنفس النظرات الحاقدة ثم عاد وجلس مكانه.
أما عمار مازال يعرفها بأهله حتى توقف بها عند أخوه عامر وقال بفخر:
ده بقى أخويا عامر تاجر موبليا قد الدنيا، عامر شغله مسمع في إسكندرية وبراها بسم الله ما شاء الله عليه طالعلي ودي بنت أخويا رقية نسمة كده ومش بتعمل مشاكل خالص خالص وده بقى عمر الجوهري ابن أخويا عامر الغالي وده مهندس ميكانيكي وسمعته وحشة لإنه بتاع بنات وعلى فكرة شخصية معقدة لا اتمنى التعامل معاها.
نظر له عامر بغضب مصطنع ثم قال:
خير خير يا ابن الجوهري طايح في عيالي وقاعد تشوه سمعتهم ليه؟
" يستاهلوا ولا ميستاهلوش؟ "
رد عامر بمزاح:
هما يستاهلوا مختلفناش بس عيب ده إحنا قدام الغالية.
نظرت له رقية بصدمة ثم قالت:
أنا يا بابا استاهل ده أنا بلسم!
رد عمر باستفزاز كعادته :
أيوه يا روح أبوكي.
" ما أنت زيها يا حيلتها. "
قالها عمار بنبرة ساخرة فرمقه عمر بضيق ثم وقف وقال:
دايمًا حارقك كده، اركح ياض يا عمار.
حدقه عمار بنظرات غاضبة ثم قال لأبوه بغضب:
شايف الواد ابنك ابن اللـ...، بيقولي ياض!
" ما أنت أصغر منه نعملك إيه؟ "
قالها عامر وهو يضحك ببرود فاُستفز عمار ثم قال:
ماشي ما أنا خطيئة وجيت على أخر الزمن نقول إيه يا عيلة واطية، حاضر يا عمر يا عامر لما تتجوز بس!
أنت تقرأ
جنتل توكسيك مان
Romance" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
