جنتل توكسيك مان

69- لم يكن لهم نصيبٌ

٦٩- لم يكن لهم نصيبٌ.
- نيرة شريف
- جنتل توكسيك مان

إمبارح بعد ما نزلت على الفيس والواتساب إنه هينزل النت قطع قطعة وحشة أوي.

فصل مليان بالمشاعر، ربنا يستر. 💚
متنسوش تدعوا لأخواتنا في فلسطين. 🇵🇸

متنسوش التفاعل والنجمة.
_________________________________________

خرج هو وانتظرت الفتيات حتى تستعد "هنا" للخروج حتى وفجأة دخلت مجموعة من الفتيات
كان عددهن أربعة، يبدو أنهن من المعازيم، ابتسمت الفتيات بمكر وقالت واحدة منهم:
أنا "ساندي" أظن عارفاني يعني وكل واحدة من اللي معايا ex من الإكسات بتوع "عمر" وقولنا نيجي نوجب معاكي يا حلوة.

حل الصمت على الجميع، انتظرت "هنا" تكملة الحديث من تلك التي تقف متحدية لها الند بالند وقالت بحقد:
"عمر" عمره ما جاب من الزبالة حاجة وحطها في حياته بس شكله مش دريان فعلًا إنه حط إيده في مقلب زبالة وطلعك، تعرفي ليه بقول كده؟ لإنك جعانة ومعفنة وما صدقتي تلاقي واحد يطلعك من الفقر لكن إحنا عنينا مليانة مش زيك فمعلش لو كلامي هيوجع، هي الحقيقة دايمًا بتوجع.

لم ترد "هنا" فقط وقفت عاجزة حتى عن الدفاع، برغم علمها بأن كامل حديث تلك الشمطاء ليس صحيحًا لكنها وقعت أمام عائلة "عمر" في موضع مُهين، أمسكت "عنود" بهنا ووقفت بجانبها ثم وضعت يدها على كتفها قائلة ما جعل "ساندي" تنظر لهما بغيظ مكتوم:
ملقوش في الورد عيب قالوا أحمر الخدين، يلا يا عروسة يا غندورة علشان "عمورك" مستني على نار، وأه صحيح يا آنسة، مفيش حقيقة هِنا بتوجع غير إن اللي بتحبيه رايحة تحضري خطوبته فيا بجاحتك، أنا لو منك أقول لأمي غطيني وصوتي.

دعمت "تقى" حديث "عنود" قائلة بسخرية شديدة:
بعدين اللي شايف إننا زبالة ما يشوف، هو إحنا هناخد تقييمكم وهنمشي معلقينه فوق راسنا مثلًا بعدين ده أنت تخرسي خالص كفاية إننا عارفين إنك تبع "آسر" أكيد يعني إحنا لو زبالة فأنتِ صفيحة الزبالة.

صاحت "رقية" هي الأخرى قائلة بكيد:
أه يا "ساندي" أنا أسمع عنك بصراحة بس سُمعتك مش أحسن حاجة بس اللي أعرفه إن "عمر" أخويا و"آسر" كانوا عاملين رهان عليكي ولما قولتله مش ده غلط يا "عمر" قالي أنا بلعب وشوفتي بقى طلع gamer إزاي؟ وفي الأخر أختار مين؟ يبقى مين بقى الزبالة؟

برغم دعمهن لها لكن "هنا" كانت تعرف حقيقة حديثهن، الكل يرى أين هي وأين هو.
هي ليست من تلك اللائي يتسارعن للهرب من الفقر، لكن تكن يومًا إلا فتاة بمائة رجل، تحملت العديد من المشقات في وقت كانت تريد فيه رجل لها يكون هو العائل.

فكَّرت في الانسحاب لكن قاطع فعلها حديث "عنود" وهي تقول باستفزاز شديد:
اضحكوا يا بنات علشان "يوستفندي" والمقاطيع اللي واقفين وشكلهم عايزين ياخدونا صور ٤×٤.