٥٣- صديق عدو
- جنتل توكسيك مان
- نيرة شريف
جماعة بصوا على قد ما بقدر بحاول أكون واقعية، استغربت كمية الناس اللي فكرت في " عليا " إنها حاولت تسمم " عنود "، يا جماعة في الحقيقة لو جينا نبص شوية للدنيا مش هنلاقي الكلام ده بيحصل ومش سهل أبدًا على حد يفكر يسِم حد لمجرد أنه أخد حبيبه فمعلش بقى حبيت أكسر المتوقع.
حبيت جدًا التفاعل المرة اللي فاتت ولو استمر على كده أوعدكم هظبطكم أخر تظبيط بس استمروا.
متنسوش النجمة والكومنتس بقى 💖
________________________________________
في المستشفى وبعد أن فاقت " عنود " كان بجانبها أسرتها و" محمد " و" شهد " و"ناصر" و"عمر " والباقية في حفل الزفاف تحت أمر " محمد ".
كان " عمار " بالخارج واقفًا مع الطبيب المختص بحالة زوجته، نظر الطبيب للأوراق التي هي بيديه ثم قال:
حالة التسمم اللي حصلها بسبب أدوية معينة تقريبًا هي بتاخد أدوية نفسية صح؟
- أيوه بتاخد.
رد بها " عمار " وهو يحدق الطبيب بتمعن، فأومأ له الطبيب قائلًا:
ده سبب التسمم هي أخدت جرعة زيادة عن الحد
وده بس السبب والحمد لله هي كويسة بس خلي بالك من حوار الدوا.
استمع له "عمار" باهتمام ثم طلب منه ألا يخبرهم بالسبب الرئيسي للتسمم، فوافق الطبيب ثم دخل
" عمار" وكانت هي جالسة وبجانبها " محمود " و
" حنان "، دخل وتعلقت عيونهما ببعض، كان هو
أخر شخص دخل ليطمئن عليها؛ لذا كان هو المُنتظر
بالنسبة لها، اقترب منها ثم جلس وأمسك يدها وقال:
خضتينا عليكي.
ابتسمت هي وجلس الجميع ينظرون لهم بتركيز، حرَّك
"عمار" رأسه نحوهما فوجدهم كلهم على نفس الوضع واقفين ينظرون بثبات نحوهما لذا ضحك ثم أردف قائلًا وهو يوجه لهم الحديث:
بالراحة هتاكلوني، بعدين مراتي وبطمن عليها والعصير اللي شربته " عنود " مكانش نضيف فحصلها تسمم.
- أكيد الفندق هو السبب، ليه توديها فندق رخيص؟
قالتها " حنان " بنظرة ساخطة غاضبة فرد " عمر " بدلًا عن عمه وقال بنبرة متحشرجة أجشة مخيفة:
لمؤاخدة يا طنط في أيه
هابة على الواد ليه، الفندق زي الفل والقاعتين دافع فيهم دم قلبه.
رمقته " حنان " هو الأخر بسخط ثم تمتمت بغيظ قائلة:
دي البجاحة في العيلة دي وراثة.
تدَّخل " محمود " قائلًا:
متاخدوش على كلامها يا جماعة هي مضايقة بس علشان " عنود " معرفتش تفرح بفرحها.
طالعتهم " حنان " باحتقار وخاصة " عمر " الذي طالعها بنفس النظرات ثم مال على أذن " عمار " قائلًا:
كان ناقص الست الأرشانة دي تبقى حماتك؟
أنت تقرأ
جنتل توكسيك مان
Romance" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
