٤٩- حنيته تأسرها؛ فهو المأوى
- جنتل توكسيك مان
- نيرة شريف
عمار مين اللي خاين؟ ده سيد الكل وأحلى من الفل.
متنسوش التفاعل بكومنتس والنجمة وبس كده
استمتعوا الفصل النهارده عسول بس في اتنين اتحسدوا. 🤎🤙🏻
_________________________________________
وأنا كنت علقتك؟
قالها باستفزاز شديد وهو يمدد جسده على الكرسي براحة فردت بغيظ قائلة:
قولتلي أنك معجب بيا وعايز تتقدملي فاكر ولا نسيت يا " عمار "؟
- كُنت وبنفسك بتقوليها يا دكتور " عليا "
" أنا رفضت علشان كنت صغيرة. "
قالتها بدفاع فرفع حاجبيه باستنكار وقال:
-طيب وأنا أعمل أيه؟ هو كل ما أدَّخل حد حياتي تيجي تلوميني؟ مرة " نيرمين " خطيبتي القديمة ودلوقتي " مراتي " الصراحة شايف الموضوع بقى أوفر.
- اللي بينا مكانش قليل يا " عمار "
ضحك وقال باستغراب:
إيه اللي كان بينا؟ أنتِ واعية بتقولي إيه؟
- أه واعية، أنت قولتلي من أربع سنين إنك بتحبني بعد سنة كاملة من تلميحاتك اللي مكانتش بتنتهي.
كان يحرك جسده على الكرسي يمينًا ويسارًا حتى توقف وقال:
- الكلام ده حصل فعلًا بس مكانتش سنة كاملة وكان قباله إيه؟ فاكرة ولا أفكرك؟
قولتيلي إن مشاعرك ليا عبارة عن مشاعر بين اتنين أخوات وأنا احترمت ده وبعدين خطبت بعدها بسنتين والحياة مشيت، أنتِ اللي فاكرة إن الدنيا ممكن تقف على واحدة ست وللعلم عندك حق بس
" عنود " هي الست اللي تقف عليها حياتي.
- لا يا " عمار " أنا مش عبيطة أنت اختارت
" عنود " بالذات علشان توجعني بيها لإنك كنت عارف إني مبحبهاش.
" طيب بالمناسبة " عنود " بره أي حسبة وأنا اختارت " عنود " علشان هي نصيبي في الدنيا فهي حالة خاصة مينفعش أي واحدة تحط نفسها في مقارنة معاها. "
- شوفت إنك بتحاول تضايقني بيها؟
نفى وهو يبتسم بصدق قائلًا:
لا يا دكتورة مش بضايقك بس " عنود " فعلًا متتقارنش بأي حد، لإن اللي عملته معاها معملتوش مع أي حد قبلها ولا هيتعمل.
- أنت ليه مش مستوعب إني لما رفضتك كان علشان كنت صغيرة، أنا داخلة في الـ ٣٠ سنة يا " عمار " تفتكر ليه متجوزتش لحد دلوقتي؟
حاول ألا يستفزها لكن لم يستطع؛ فهذا طبعه وهذا حق كرامته عليه وحان الأن أن تعود.
" يمكن مبيتقدمش ليكي عرسان مثلًا؟ "
كزت على أسنانها بغيظ وقالت:
بلاش الاستفزاز ده، أنا مبقبلش علشان مستنياك.
برَّق باندهاش ثم قال بجدية:
كده هتعنسي يا دكتور وأنا ميرضنيش.
أنت تقرأ
جنتل توكسيك مان
Romans" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
