٣٣- اتنين حلبسة وطعنة
- جنتل توكسيك مان
- نيرة شريف.
بصوا يا ولاد أنا كنت عملت سيرش عن مرضى السكر
لما كتبت فصل بعنوان مريض سكري بس شكلي اتلغبطت وكنت ذكرت أنه حصله ارتفاع في مستوى السكر في الدم بس اللي كان بيحصله هو أعراض انخفاض فأنا عدلت المشاهد وغيرت الكلام علشان يتماشى والفصل اللي فات عدلت فيه حتة برضو وبعدين هو محدش أخد باله خالص؟ 😂
حاجة تانية شخصية قُصي وعيلته أنا مش ذكراها غير علشان نبقى عارفين تفاصيل حياته ومش هنحكي عن كل أهله ومش هنخليهم أبطال أنا كل المطلوب أنكم تعرفوا قُصي ده يبقى مين ومر بإيه؟ فاللي حاسس بتزاحم الشخصيات يفضل بس فاكر الأساسيين وميشغلش باله بعيلة قُصي.
اوعوا تنسوا النجمة 🤎
____________________________________
ضحكت بسخرية وهي تكفف عبراتها وبلا مبالاة تحدثت قائلة:
بص مهما تعمل فيها مش هتحوق.
" اركبي العربية، تعالي علشان أبهدل كرامتك، ده الموضوع طلع مُسلي. "
ضحكت باستهانة ثم قالت متسائلة:
أنا حاسة أن ناقص تديني العلقة التمام، ها عرفني أمتى هتضربني؟
" على المهل يا منار، شوية أهزقك وشوية أهينك وشوية أضربك وشوية أخليكي تتمني الموت ومتطوليهوش. "
ضحكت وعلت صوت ضحكاتها فاستفزته ثم قالت موضحة:
يا حبي لو عايزني أدورلك على حاجة تانية تستمتع بيها قول ومش هقصّر، أنا الحوار ده بقى بيسليني أوي أصلك للأسف مش عارف إني منار الجوهري وتربية خالي عمار، طبعًا أنت عارف مين عمار الجوهري ولو مش عارف فالقلم اللي على قفاك منه معلِم جامد وقادر يعرفك.
رسم ابتسامة صفراء وعينيه تلتمع الحقد فقال:
طلعتي فعلًا تربية خالك، كيادة.
فتح سيارته وركبت بجانبه، وصلها لبيتها وقبل أن تنزل قبّلته وقالت بكيدها المعتاد:
باي يا حبيبي هتوحشني أوي.
" أكتر يا حبيبي. "
قالها هو بنفس طريقتها ونزلت هي.
_______________________
في إحدى القرى الموجودة بالإسكندرية وبداخل إحدى البيوت الريفية الكبيرة، كانت هناك عائلة كبيرة تُدعى عائلة " العمري" يوجد بها الحاج " ياسين "
وولده الوحيد " حسّان " الذي لديه ولد واحد من زوجته الأولى " صفية " وهو " قُصي " ولديه أربعة أولاد من زوجته الثانية " شادية "
وهم " سالم " و " ماهر " و " أنهار " و " شاهندة ".
دخل قُصي بيته ليتقابل مع " أميرة " المساعدة في تنظيف البيت، فقالت له مبتسمة:
أزيك يا مستر قُصي.
ضحك قُصي يسألها باستنكار:
مستر؟ مش كنتِ بتقوليلي أستاذ قُصي؟
ردت بفطنة قائلة:
يا أستاذ قُصي ما أنا كل ما يرن التلفون برد عليه وكله بيسألني مستر قُصي فين مستر قُصي فين فقولت خلاص خلينا لما أقول مستر قُصي وبعدين لما حضرتك مش قاعد هنا مديهم رقم البيت ليه؟
أنت تقرأ
جنتل توكسيك مان
Romance" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
