٥٢-يرسم لفراشته فراشة.
- نيرة شريف.
- جنتل توكسيك مان.
فصل طويل بجد وعارفة إنه هيعجبكم أوي
بس ياريت شوية تقدير علشان الفترة الجاية هشتغل على حسب تفاعلكم وهكون مشغولة بس هحاول أنزل لو لقيت في تفاعل يرضيني. 🦋
الفصل الجاي ممكن أتأخر فيه عن السبت لإني نزلت فصل السبت النهارده كده.
_________________________________________
يمر أسبوعان ويوشك رمضان على الانتهاء ويتم تعطيل حفل زفاف " كريم " و" بسملة " لعدم اكتمال بعض الترتيبات بشأن سفرهم لتأدية مناسك العُمرة، تعطل أيضًا حفل زفاف " عمار " و"عنود" المقترن بزفاف
" كريم " وانشغلت " عنود " في الامتحانات الأخيرة لها وفي علاجها الذي بدأ يُحسن منها تدريجيًا على الرغم من حالات الخمول الدائمة التي تعاني منها، وانشغل
" عمار " في أعمال مصنعه وبقى " فرحات " هذه الفترة مهتم بعمله بشدة لأسباب خاصة.
يأتي أخر يوم في حفلة العزوبية، وفي صباحه المبكر، هاتفت " عنود " صديقتها " شهد " حتى تأتي معها وتساعدها وربما تُبيت معها ثم هاتفت " عمار " الذي كان في إحدى الاجتماعات الهامة، أغلق عليها الخط وهو بداخل الغرفة فتأفأف وظلت منتظرة أن ينتهي حتى هاتفها بعد نصف ساعة.
- معلش كنت في meeting ولسه مخلص دلوقتي، عاملة إيه؟
" مش أحسن حاجة، أنا وبنات خالتي أبعد مما نكون عن بعض وولاد عماتي أنا محبهومش ده كده كده ومش معايا حد يا " عمار " ولسه شهد هتتصرف في البيت وتجيلي وأنا زهقت، مفيش عروسة بتكون لوحدها في الحِنة، قولي ليه أنا لوحدي؟؟ "
تنهد ثم قال باهتمام وهو يفكر:
ثواني يا " عنود " هشوفلك " رقية " و"تقى" و"هند "
يجوا يساعدوكي ومتقلقيش.
- هي " هند " نزلت؟
" أه من يومين، عمومًا متشغليش بالك دلوقتي وخليكي شوية ريلاكس، بلاش القفش ده. "
ابتسمت ثم ردت قائلة بسعادة:
ماشي يا " عمار " ماشي، عمومًا بعد الزيطة بتاعة النهارده بالليل لازم تيجي وأشوفك.
- أخلص أنا كمان الحنة عندي وهاجي وأشوف الحلاويات بتاعة الحنة.
ضحكت بشقاوة ثم أتفقا سويًا وأنهت هي الاتصال معه لتعاود الاتصال بشهد التي ردت عليها بنبرة محتقنة قائلة:
يا " عنود " أنا مش عارفة بقى "بابا" متنشن كده ليه، أنا زهقت بجد، قولتله أجي ومش راضي.
- طب ما تخلي " ناصر " يكلمه يمكن يرضى؟
قالتها " عنود " بجدية فظنت " شهد " أنَّ صديقتها تمزح لذا قالت لها:
مش ناقصة يا " عنود " هزار بجد.
- مش بهزر قوليله يمكن يوافق مثلًا لو عرف إن "ناصر" ممكن يوصلك وكلمي "ناصر" شوفيه فاضي يوصلك ولا؟
أنت تقرأ
جنتل توكسيك مان
Romance" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
