٣٨- فرحات يريد العلاج
- نيرة شريف
- جنتل توكسيك مان
استحملوني فترة عصيبة بس بإذن الله هتمر التنزيل بطّل يبقى يوميًا بعد وعد مش هقصر
متنسوش النجمة..
___________________________________
وصل بها لأرقى المناطق السكانية بالإسكندرية أمام البحر مباشرة، استقلا المصعد ثم توجه للأعلى سويًا، صعدا للدور الخامس ثم وقفا أمام الشِقة سويًا وفتحها بعد أن أخرج مفاتيحه، دخلا سويًا وفتح الأنوار ثم أغلق عليهما الشِقة، وقفت هي تتابع الشقة بانبهار ثم سألته:
دي كام متر يا عمار؟
" دي ٥٠٠ متر. "
ردت بانبهار قائلة:
بسم الله ما شاء الله، وريني البلكونة.
توجها سويًا للشرفة ثم فتحها ووقفت هي تنظر للبحر بابتسامة منبهرة فقال لها:
عجباكي؟
" أنت مش شايف وشي متاخد إزاي؟ دي جميلة أوي يا عمار ربنا يباركلك فيها. "
ابتسم لها ثم قال:
تعالي أفرجك عليها وعلى فكرة الفرش كله على ذوقي ولو احتاجتي نغير حاجة هفكر علشان الصراحة ذوقي لا يُعلى عليه وأنا دافع شقا عمري هنا.
ضحكت على طريقته ثم أخذت تتجول معه وهي تنظر باستمتاع ثم قالت:
مش محتاجة حاجة تتغير جميلة أوي، ده رُب ضارة نافعة، كان لازم نقولهم إننا هنطلق من زمان.
ضحك عليها ثم توجه بها للمطبخ لتراه وأعجبت به كثيرًا ثم توجهت للغرف لتراها حتى دخلا لغرفتهما، دخلت تراها معه فقالت باستغراب شديد:
هي الشقة نضيفة إزاي؟
" بجيب أربع ستات كل واحدة لوحدها بتمسك ركن والله يعينهم يارب على تعبهم وأسبوعيًا بتتنضف وساعات بقضي فيها يوم كده لو مش عايزه أرّوح البيت."
" حلوة أوي بجد ما شاء الله. "
خطى خطوات ناحية الفراش ثم أراح جسده بخفة عليه وقال وهو يتمدد براحة:
أنا هرن على أبوكي أقوله إنك معايا، مش هروحك البيت النهارده، تعالى نقعد شوية سوا.
" بس هما فاكرين إننا هنتطلق إزاي هتقولهم قاعدين سوا؟ "
رد بلا اكتراث وقال:
تعالي جنبي، يا بنتي فيها أيه نعرفهم إننا هنتطلق بس في نفس الوقت لسه سوا وبعدين لما يسألوا أنا هرد وأقول كنت بصالحها بس معرفتش شوفتي بسيطة إزاي؟
" أنا أعصابي تعبت يا عمار قولتلك الطلاق حل. "
لم يرد عليها بل وقف وخلع سترته وبقى بقميصه ثم خلع حذاءه وجوربه وعاد مرة أخرى ليتمدد.
" عمار أنا بتكلم. "
أغمض عينيه وقال:
وأنا مش هرد أنا نعسان.
أنت تقرأ
جنتل توكسيك مان
Roman d'amour" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
