٥١-طفلة تشوهت حياتها
- نيرة شريف
- جنتل توكسيك مان
• أنا شايفة إن " منار " عليها هجوم فظيع
لو بخليها تضايق فرحات بتقعدوا تشتموها
ولما بخليها تهدأ شوية بتقعدوا تقولوا معندهاش كرامة.
أنا شايفة إنها حد مظلوم زيها زي " فرحات " بل اللي عاشته يخليها أسوء من كده بكتير وعمومًا الفصل هيوضح ده.
متنسوش التفاعل أو أنسوه عادي أنا أصلًا أغلب متابعيني، الفصل الجاي هينزل النهارده احتمال كبير وعسل أوي أوي يعني. 💖
_________________________________________
كانت تعرف أنه يعلم أنها شاركت " عبد الله " في القتل لكن لم تتوقع طريقته هذه في المصافحة، ارتسمت ابتسامة مراوغة على فمه لكن زينت ثغره رغمًا عنه ثم أخرج سيجارة وأمسك بالقداحة وأشعلها وقال بعد أن وضعها في فمه ثم أخرجها:
يعني مبترديش؟
- أنا مش عايزه وجع أعصاب، هات اللي عندك؟
" عيب يا طنط " رنا " هما معلموكيش إزاي تتعاملي مع الأصغر منك؟؟ "
قالها وهو يصرح جليًا سخريته منها فقالت بغيظ:
مش كان العكس؟
- مش موضوعنا، المهم تعملي إيه في اللي يطلعك من قضية قتل والدة " منار " بأقل الخساير؟
" أنت اتجننت؟ أنا مقتلتش حد، مراتك المريضة هي اللي بتتوهم لكن أنا مكنتش موجودة وقتها. "
ضرب التربيزة بكف يده بغيظ شديد ثم قال بتقزز واضح:
يا ولاد الـ*** يعني تقتلوا أمها قدامها وفي الأخر تقولي عن مراتي مريضة؟؟
- أنا مقتلتش فعلًا أنا كنت شاهد بس.
قالتها بعد أن سار الرعب بداخلها ورغمًا عنها نطقت، فكان يعاملها مثلما يعامل المجرمين في مكتبه.
" ولما كنتِ شاهد مروحتيش ليه تشهدي عليه ضده، مخوفتيش يجي يوم ويقتلك زي ما قتل مراته أم بنته."
- ده جوزي أنت اتجننت؟
" أنا اللي هجننكم، أقسملك بالله ما هخلي حد يشوف النوم، وأولهم أنتِ بس ساعتها متعيطيش لإني هجيبكم كلكم على حبل المشنقة وافتكري طول ما أنتِ معايا فأنتِ في حمايتي لكن لو قررتي تفضلي ماشية بدماغك يبقى صدقني مكانك جنب مكان جوزك بالبدلة الحمرا. "
خافت منه، فلم تكن نظراته عادية لكن الغريب أنها بدأت تفكر في كلامه بجدية، لذا قالت بنظرة هربت منها الحياة:
- " عبد الله " قادر يودينا كلنا ورا الشمس.
ابتسم وارتسمت ابتسامة واسعة على شفتيه، ثم قال بثقة شديدة:
يبقى متعرفيش مين هو " فرحات عبد الرحمن "
تنهدت بخوف فأردف بهدوء ونبرة تختلف جديًا عن تلك النبرة المهددة الخاصة به:
بصي يا "مدام" أنا مش عايز غير إني أحقق العدل، كده كده صدقيني هحبسكم وده مش وعد لإني بكره الوعود بس دي بقت مُسلمة عندي علشان كده حكم أخف من حكم يفرق معاكي.
أنت تقرأ
جنتل توكسيك مان
Storie d'amore" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
