٤٣- رمضان كريم
- جنتل توكسيك مان
- نيرة شريف.
بكتب الفصل وأنا مبسوطة بالأجواء الرمضانية دي ولا كأننا في رمضان بحق وحقيقي.
«متنسوش النجمة» 🤎
_________________________________________
" شوفتي أخرة اختياراتك، شوفتي مش شاري خاطرك وبايعك بالرخيص إزاي؟؟ "
قالتها " حنان " و"عنود" جالسة أمامها تمسح دموعها وتحاول إنهاء الحديث وهي تقول بنبرة مبحوحة:
ماما لو سمحتي بلاش أحكام وخلاص، " عمار " مش كده.
" أومال مش سائل فيكي ليه، ما قالك في وشك تتفلقي."
- يا ماما بقى سيبيني في حالي ارحمي شوية.
صاحت والدتها بحنق وهي تقول:
كل ده علشان خايفة على مصلحتك ومش عايزاكي تكملي معاه؟ ده بدل ما تقولي الحمد لله إني عرفته على حقيقته بعدين مالك باقية عليه ليه؟ اطلقي منه وتتجوزي سيد سيده وبعدين ماله فرحا.."
وقفت " عنود " وهي ترد عليها باعتراض شديد قائلة:
طلاق إيه يا ماما؟؟؟
أنا مش هطلق منه إحنا متخانقين أنا مش عارفة ليه دلوقتي تتدخلي في مشكلتنا بالطريقة دي وتهوليها ليه؟؟
" أنتِ تسكتي خالص ملكيش دعوة. "
تفوهت بها " حنان " بتحذير فردت " عنود" باستماتة قائلة:
لا يا ماما مش هسكت ومش عايزه حد يتدخل تاني في حياتي هي مش ناقصة خراب، أصلًا لوحدها خربانة بعدين" فرحات" إيه؟؟ يا ماما حضرتك واعية بتقولي إيه؟
أنا و"فرحات " كل واحد فينا متجوز ولو قدامي "فرحات" تاني مستحيل اختاره أبدًا أنا بحب
" عمار " ومش هكمل حياتي غير معاه هو.
" هو عملك إيه ابن الجوهري، ساحرلك ولا ساحرلك."
تنهدت بضيق وهي تقول لها:
أنا عايزه أنام عن إذنك.
____________________
" قوم روح لمراتك يا " عمار " ومش هقولك تعالى على نفسك بس هقولك أنت بتحبها وهي بتحبك فلو عايزين بجد تكملوا يبقى تعيشوا مع بعض وتعدوا لبعض ده لو عايزين. "
" أنا مش هروح لحد وهي كمان مش هتجيلي أنا عارفاها غير إني لبخت في الكلام معاها، الموضوع كِبر يا بابا بس بسببها، أنا عندي تراكمات وطلعت، الموضوع بتاع النهارده مش حاجة وكان ممكن أعديه بس هي مش قادرة تتقبل إن الموضوع يضايق وأنا بكتم وطبيعي انفجر. "
" أنت قولتلها إيه؟ "
حمحم " عمار " بإحراج قائلًا:
إني ندمان إني اتجوزتها ودخلتها حياتي وفي شوية حاجات كده تانية مع إني مش ندمان بس مش عارف بقى هي اتعكت يا حاج.
" روح اعتذرلها وشوفها هتقولك أيه. "
صاح معترضًا وهو يقول:
لا هعتذر لما هي تبدأ أنا مش هبدأ كفاية بقى هي اتعودت إني أدلدل كل شوية علشانها.
أنت تقرأ
جنتل توكسيك مان
Romance" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
