٣٦- زواج سري ليس عُرفيًا
- جنتل توكسيك مان
- نيرة شريف
متنسوش النجمة. ♡
لو في غلط أو كلمة نسيتها قولولي علشان مش مركزة أوي وعايزه أصححها بالله.
____________________________________
دخلت غرفتها وهي تحك كوعها بألم وتسبه بداخلها، دخل خلفها مرة أخرى فزفرت أنفاسها بتأفأف قائلة:
مش هنخلص إحنا مش هنخلص!
لم يرد عليها فتسطح على الفراش وتسطحت بجانبه، أراح جسده فوجدها تحتضنه بسماجة وهي تقول:
يا حبيبي يا فرحات مهانش عليك تسيبني.
" جرا إيه مش هنبطل نكش؟ "
قالها وهو يشيح بوجهه جانبًا حتى لا ترى ضحكته.
كتمت أنفاسها وهي تضحك ثم قالت بعد أن رفعت عيناها له ببراءة زائفة وهي لا زالت تحضنه، فأزاح
ذراعها عنه بضيق وقال:
المرة الجاية هكسره.
لم تكف عن مضايقته ووضعته مرة أخرى فأمسك به وهو ينوي أذيتها فصرخت قائلة:
آه آه خلاص سيبني هتلم.
تركها وهو يتنفس بحنق ثم قال:
هنام يا منار ولو قربتي مني مش هيحصلك كويس.
" ماشي. "
قالتها فاستدار بجسده وسرعان ما وضعت ساقها عليه فتركها ولم يفعل شيء، التصقت به ثم وضعت ذراعيها عليه، التف لها على غفلة وبقوة لتبقى أسفله وهو أعلاها ثم قال بتحذير:
خافي مني يا منار.
" طب ما تجيب بوسة وأنت طِعم كده. "
قالتها غامزة له فوقف بعيدًا عنها ثم قال وهو يولي لها ظهره بانهيار بداخلي لا تشعر به هي.
" كفاية اللي بتعمليه ده كفاية وملهوش فايدة، عايزه توصليني لإيه ها ؟ حلوة وتتحبي وأقدر انساها بيكي؟
لا فوقي يا منار هي تتحب لأنها فيها كل حاجة أنا كنت عايزاها، عنود حب ملوش حدود عندي وأديكي شوفتي
حاولت أقتل علشانها. "
تحطمت كل محاولاتها حين قال اسمها
هي تعرف كل هذا ومحاولاتها هذه ما هي إلا طريقة لجعله يحبها لا أكثر، هي لا تطلب المستحيل.
" فرحات أنت ليه متخيل إني ممكن أحاول أخليك تحبني؟ علشان إيه؟ فرحات شوف نفسك كويس بعين واعية شوية أنت حاولت تقتل خالي وبتقولي في وشي إنك بتحب غيري فمين مفهمك إني بحاول علشانك؟ "
استدار لها وهو يمسك عضدها بعنف ويسألها:
أومال اللي بتعمليه ده معناه إيه؟
سبب إنك تكوني معايا لغاية دلوقتي برغم كل اللي عرفتيه.
" مريض، معاك علشان مريض مش أكتر، أنت عندك اضطراب شخصية معادية وأنا عايزاك تتحسن علشان نفسك وتعرف تبقى بنى آدم بدل ما أخرتك هتبقى في السجون ووجودي معاك للأسف أنت هتفسره إني بحبك وهيتملكك شعور إنك عارف تدوس عليا وده من أعراض مرضك بل أنا لو وقفت منهارة قدامك مش هتتحرك مشاعرك ولأن مرضك متحكم فيك، إصراري على علاجك لإني لسه باقية بس أنت اديني أمل إنك تتعالج وصدقني أنا هظبط كل حاجة علشانك. "
أنت تقرأ
جنتل توكسيك مان
Romansa" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
