٤٢- والدتها تطلب الطلاق
- جنتل توكسيك مان
- نيرة شريف
أنا عارفة إني اتأخرت بس حقيقي غصب عني
بصوا الفصل كبير بجد بس هنتفق على مواعيد وهي بإذن الله يوم السبت والأربع والفصل ٥٠٠٠ وشوية.
شكرًا أوي أنا قريت كل كومنتاكم وحبيتها جدًا
متنسوش النجمة 🤎.
____________________________________
" أنا بحبها مش هقدر أشتمها. "
" كمّل يا " فرحات" احكي. "
قالها " نبيل " وهو يحدقه بنظرات طبيب مُتمرِّس فقال " فرحات " دون أن ينظر له:
حب من نوع غريب هو مش حب تملك، حاسس في فرق ما بينها وبين " عنود " أنا مش فاكر قولت لحضرتك عن اسمها ولا بس اللي كان بيربطني بعنود حاجات غير اللي مع مراتي، أنا كنت عايز أتملكها وما زلت، عايزها متتحركش وتكون تحت أمري بس كنت والله بحبها ومش عارف ليه كنت غبي، كنت عايز أبقى القفص وهي العصفورة.
هز " نبيل " رأسه كإشارة منه للتكملة فأردف " فرحات " بتِيه:
بس اللي بحسه مع مراتي غير، أنا مشاعري مش رايحة جاية يعني طول عمري و" عنود " هي بس اللي قدام عيني فلما تيجي واحدة جديدة وفجأة والمشاعر تتغير يبقى الموضوع في حاجة، حضرتك شايف إيه يا دكتور؟
" شايف كلام كويس بس قولي أنت مضيقها على مراتك؟ "
هز "فرحات" رأسه نافيًا ثم قال:
خالص حتى هي نزلت الشغل النهارده وأنا معترضتش بس ناوي الخناقة الجاية تكون على إنها مستأذنتش.
ضرب " نبيل " كفيه ببعض ثم قال باستغراب شديد:
يا ابني أنا لسه بقولك كلام كويس ملحقتش.
" ما هو مينفعش، بعيد بقى عن اتعالجت ولا لا فهي مش متجوزة مقطف علشان تنزل وكأن ملهاش واحد تاخد إذنه، أنا جوزها. "
رد " نبيل" بشيء من الاقتناع قائلًا:
ماشي طيب كمّل.
" بس فأنا حاسس إني ميال ليها في قربها وبُعدها
من غيرها اليوم طعمه سِم، ضحكتها طلعت فتاكة
أصلًا متخيلتش حتى وهي بتبقى متعصبة وغبية وبترمي في كلام زي الطوب ببقى برضو مستمتع بس لغاية حتة معينة وبقف، هي نفسها الحتة اللي بتجيب فيها سيرته."
" اللي خد منك حبيبتك؟ "
حك " فرحات " ذقنه بضيق ثم قال بنبرة حاول أن تبدو باردة:
معلش ظبّط كلامك، الجملة رخمة شوية.
" حاضر قولي يا " فرحات " لغاية الحتة دي وبتعمل إيه؟ "
أحمرت عينيه للحظة ثم قال بملامح وحركات تبدو غير طبيعية:
بتجنن بحس إني اتحولت، لو قدامي عمار مش هتردد لحظة وقتها وهقتله، أسهل حاجة هتكون إني أقتله ومش هندم لإني ساعتها هطفي نار غيظي، أما هي فأنا بمسك نفسي عليها يدوبك بس بضربها.
أنت تقرأ
جنتل توكسيك مان
Romance" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
