جنتل توكسيك مان

32- لا تحاولي

٣٢- لا تحاولي
- جنتل توكسيك مان
- نيرة شريف

"أنا مش جميل دي بُقع، أنا مش بميل أنا بَقع".
- البراء حسن.

بلاش ننسى النجمة.. 🥹
____________________________________

تمر الأيام بهدوء وبعدما انتهى التحقيق وتم تسجيل القضية ضد مجهول، عاد كل شيء ولكن ليس لوضعه الطبيعي، فعمار عاد لعمله وعنود تجنتبه تمامًا وشهد في بيتها تستكمل علاجها ومنار لا تتحدث مع فرحات بأي شيء وكأن لم يحدث شيء من الأساس.

وفي يوم ما كان عمار جالسًا في غرفة الاجتماعات يتوسط التربيزة وبجانبه ناصر وحوله بعض رجال الأعمال ( الرجال والسيدات ) وعلى مقربة منه عنود جالسة ولكن يفصل بينهم كرسيين.

كانت عنود مُسلطة نظرها على جهاز العرض البصري
" المِسلاط" حتى قال أحد منافسينه في العمل والذي يدعى " قُصي العمري "

" صفقة خسرانة مدفعش فيها جنيه يا دكتور، فين نسبة الأرباح؟ "

رد عمار باقتناع قائلًا:
الورق اللي اتعرض بيوضحلك كويس ليه إحنا لينا نسبة الأرباح الأكبر.

" مين اللي عرضه؟ المفروض أنه يعرف دورنا يا دكتور وإن إحنا والدعاية بنرفع أوي ومش لازم كل مشاركة مادية تكون هي السبب اللي تخلي أرباحنا أكتر. "

ردت عنود قائلة بتوضيح:
أنا اللي عرضته ثم إن المشاركة كدعاية يقدر أي حد يعملها يا دكتور قُصي فأنا مش شايفة إنها مجهود يُشكر عليه لإن ببساطة نقدر إحنا نتكفل بمصاريف الدعايا وبرضو تفضل نسبة الأرباح أعلى.

رمقها قُصي بإعجاب نوعًا ما ثم قال:
وإيه تاني؟

" مفيش. "
قالتها بهدوء فتدّخل عمار قائلًا بنبرة جادة وحادة بعد أن فهم نظرات قُصي :
مدام عنود قالت اللي كنت هقوله يا قُصي.

كان يقصد " بمدام " هو أن يوصل لقُصي فكرة أن عنود متزوجة ولكن قُصي لم يهتم بل قال:
اسمي قُصي أنا مش دكتور وعمومًا اتشرفت بيكي وياريت لو بقيتي على تواصل مع شركتنا، في فرص عمل حلوة.

" حيلك يا قُصي في إيه يا حبيبي، دي المدام! "
قالها فطالعه قُصي بصدمة وقال:
أنت بتهزر ومعزمتنيش يا أخي!

" على الفرح بقى هنعزم كله. "
قالها فأومأ لها قُصي ثم قال بعد أن وقف:
طيب أشوفك على خير، أنا بس مضطر امشي وارجع فكّر يا عمار تاني وحاول تزود النسبة ومتزعلناش.

وقف عمار ثم قاله له بإيجاب:
أوعدك واللي ربنا يقدرني عليه.

قالها ثم خرج قُصي وباقية الموظفين ووقفت عنود لتخرج ولكنه سحبها بخفة من بين الجميع وهمس قائلًا:
استني.