#عُزلة_السقر
البارت السادس والثمانون
للكاتبة لبنى الموسوي
مهم/ مساء الخير حبايبي إليَّ رجاء أخوي يمكم تصوتون واليگدر يتفاعل ليقصر لأن الحساب رجع يعاني من نفس مشاكل رواية عقد البنات يسجل خروج ويطلعني برة الرواية بحيث من السبعة اريد انشر البارت ما اگدر كلما ادخل للرواية يشمرني خارج البرنامج ، البارت كلش طويل 8000 كلمة ومليان احداث تعويض لعيونكم يعني يستاهل تتفاعلون عليه حتى بلكي الحساب يستعدل ما اريد اعاني بختام الرواية مثلما عانيت بسابقتها واخاف لا اخسر الحساب وترجع الرواية تتعلق وهيَّ ما بقى لها شي وتنتهي
التصويت ضغطة (نجمة) متكلفكم شي ولا تتعبكم دوسوها قبل لتقرأون البارت ،
متابعة ممتعة مقدمًا ❤
شيءٌ مِنَ السَعادةِ يَغمرُني
لِيُخبِرني
إنَّ عَوضَ اللهِ جَميلٌ
وَإنَّ القَحطَ وَإِنْ طال
سَتُنبِتُ ارضُنا العَجفاء سُنبلاً
لِنَعيش شَغفًا
بهِ تَنتَهي اوجاعُ المَاضي
وَفيهِ سَيصبَحُ العُمرُ يامِـًا .✍🏻
♡♡♡♡♡♡
قدر : يا مريم ! مِنة بمجموعتچ كم مريم اكو ؟
مِنة : هيَّ المنيلة اللي كنا نحكي عنها مفيش غيرها
نهضت مصعوقة " اعرف مريم وادري كل شي يطلع منها بس متوصل بيها تصيد رِجال وهيَّ بالمصحة لا ومو أي رجُل أشرف الرزن التاريخه العملي يشهد له قبل لا تشهد له قصة زواجه من الاِنسانة الحبها لدرجة الجنون بحيث من أهلها رفضوا زواجهم دخل بحالة نفسية وهمل كل شي عمله صحته حياته ما رجع لوضعه الطبيعي إلا بموافقتهم على هالزواج "
سمر : احكوا ريحوا قلبي اوصل للبنت دي ازاي ؟
قدر : تعالي اگعدي اريد....
بعد دخولها بقى الباب مفتوح نصف فتحه ما لحگت اكمل جملتي اِندفع حيل ودخل أشرف مثل البركان سحبها يريد يطلعها من الغرفة تهسترت من حركته بقت تجيب وتحط ما خلت غلط يعتب عليها ، من شاف الأمور بدت تخرج عن السيطرة خرج عن صمته حاول ياخذها بالصوت العالي بس ما گدر منهارة بشكل يعجز الكلام عن وصفه اِنهيار يعبر عن صدمتها بشريك حياتها الرجل الحاربت الدنيا علموده صار اليوم هوَ والدنيا عليها وكسرها كسرة هدت حيلها قبل لتهد حياتها وأسرتها
ما اكتفى بالتجاوز عليها بالكلام تجاوز بالضرب ، أني ومِنة صرنا بيناتهم نريد نسيطر على الموقف مگاعد يسمح لنا ، المنقذ الوحيد واللي گدر بدخوله ينهي هذه المهزلة الدكتور رؤوف ، فات للغرفة يصرخ بيهم "مشاكلكم العائلية تنحل بالبيت مو بمكان العمل"
هوَ حچاها لو سمر فقدت الوعي تقريبًا سقطت على الأرض مفتحة بس عقلها فاقد الاِدراك وجسمها رافض التجاوب من أثر الصدمة ، نزلت عليها احاول اصحيها ومِنة نزلت على أشرف بالكلام ، من فهم الدكتور سبب الخلاف مريضة من مرضى المصحة اخذ أشرف وياه وراح للمكتب ، فاصل زمني تجاوز الربع ساعة يلا گدرت زوجته تستعيد وعيها ومجرد أن عادت للواقع ورجعت تعيش تفاصيل مصيبتها اِنهارت بالبكاء للحد اللي بيه اِنقطع نفسها
أنت تقرأ
عزلة السقر
Mistero / Thrillerفي عُزلتي مَعهم غاية والغاية تُبررُ الوَسيلة كُـنتُ أنويّ مُداوتَهم فَـ إذا بي أكتشفُ أنَّ خلفَ أمراضهم شِفائي وفي بُعدِهم سُقمٌ لا شِفاءَ بَعدهُ أبدا .. فَـ ما الحَلْ لو غادَرونيّ ؟ ضَيعَتُهم ضَيعَونيّ نادَيتُهم اِسمَعونيّ .. لا تَرحلوا ، قِفوا ه...
