منقذي من الهلاك

مشهد

مشهد 1

باوعتلة بعيون مدمعة..

: سيدي راح ترجعني لهلي

باوعلي وگال بصوت حاد وخشن ..

: من هذا الشارب تاخذيها ارجعچ واني الممنون

: واذا لزمونة

: عفاا اني وياچ وتخافين  بعدة ماجابتة امة ليوگف ابوجهي اطلعچ منا لا تشيلين بال بوية
.
.
.
.
.
مشهد2

صوت انفجار قوي احس اذني بعد ما اسمع بيها صرت ادور علية بعيوني لگيتة ينزف فتحت اعيوني ورحت ازحف ليمة احس رجلية بعد ماتشيلني لگيتة فاقد ومايتحرك صرت ارجف وابچي احس طاقتي خلصت وبعد ما اگدر اتحمل صرت احركة واني اشهگ مابيي اي حركة مثل الچثة  .

: لالا لا ماتروح ماتروح وتعوفني انت وعدتني ماتعوفني س سيدي االاتعوفني اني بحاجتك ترجعني لهلي فدوة فدوة گوم لاتعوفني لنص الطريق .....
.
.
.
.
.
مشهد 3

: سيدي سوال

: اسئلي وراح تكون عيوني جوابچ

: ههه زين انتة مزوج

: انتي شدگولين؟

: امم اني اگول اي لأن انت مبين عليك چبير

فتح عيونة..

: يول لايغرچ خصل الشيب القليل  علة شعري ترى اني ثلاثيني جاد

انتبهت على شعرة چان بالبداية اكو خصل ابيض مزينة شعرة ومنطيتة مضهر حيل حلو

: هههه لالا عليك اللة شگد بالضبط

: ههه اني31 عمري

: صدگ والله

: ههه والله بوية لايغرچ هسة شكلي لأن تعبان ومامهتم بروحي عدل ونوم صاير علية بالحصرة عود من نرجع وأعدل روحي اشوفچ اني شگد جذاب وساحر القلوب

:  بس خل نطلع منا ماريد بعد شي

: أن شالله اطلچ من هذا الهلاك ...

              ________________________

  

            شلونكم حبايبي رواية جديدة اتمنة        
              تعجبكم والأحداث الجاية راح           
                    تكون حماس أن شالله                  
وأحداثها دمار
.
.
.
اريد تصويتكم وتفاعلكم وتعليقاتكم الحلوة بين الفقرات حتى انشر البارت الاول وتستمتعون بالاحداث الجاية حبايب گلبي 💓