منقذي من الهلاك

هلاك 45

انتَ لقلبي حباً ..

و لروحي حيااه..

و لعيني اكتفاء..

" منقذي من الهلاك "

...بقلمي روح...

___________________________

تصويتكم ومتابعة حسابي وتعليقاتكم بين الفقرات احبكم...

لزمت ايدة وخليتها على بطني وهمست واني اباوع بعيونة...

ترف: راح يجينة طفل ينور دنيتنة راح يصيرون عدنة طفلين حبيبي اني حامل ..

عينة نزلت على بطني دقايق وما عم غير الهدوء... رجع رفع عينة بعيوني وحچة بنبرة مهزوزة وصار من گوة يجر النفس ..

المهيع: عيدي الحچيتي انتي شنو ..

ابتسمت وشلت ادية حاوطت وجها وخليت انفي على انفة ودموعي نزلت ورجعت همستله..

ترف : ر-راح يجينة طفل راح يصيرون عدنة ثنين راح تصير اب للمرة الثانية راح تشوف ابنك وهو يكبر گبال عينك راح تسمع كلمة بابة مرة ثانية ..

ابتسم وبعد عني وفرك وجها ورجع لزم كتفي وحچة بربكة...

المهيع: شلون عرفتي شلون حامل ؟ يعني هسة انتي حامل ؟

ضحكت وهزيت راسي وحچيت...

ترف : سويت اختبار ..اني حامل ..

ضحك من كل گلبة وما احس بحركة سريعة شالني بين ادي وصار يفر بية وهو يصيح...

المهيع: ولچجج احبببچ والأمير علي اعشگنچ ..

ضحكت من بين ادموعي .. نزلني ولزم وجهي وبحركة سريعة أخذ شفايفي بوسة قوية يعبر عن حبة وفرحتة بهل لحظة ..

بعد عني وباس جبيني وهمس..

المهيع: احبچ يا اول فرحتي من بعد تعبي ..

عافني ونزل يركض ضحكت وجريت صايتي بسرعة وخليت شال على شعري ونزلت ورا ما اشوفة غير واگف گبال غرفة عمتي ويدگهاا ويصيح فتحت عيوني على وسعها ونزلت ..

المهيع: ولچجج يمممة اگعدددي ..

ترف : مهييع تخبلت العالم نايمة ..

ولا عبالك يسمعني .. طلعت عمتي خطية خايفة ..شو بس طلعت ما لحگت تحچي بس اشوف مهيع شالها ويفر بيها الصالة نزلت مطر ومتنة ضحك عليهم ..

المهيع: ولچ يمممة رااح اصيرر اب رااح يجيچ حفيد ثااني ولچ يممة خرزااية حامل بفرووخي...

ابتسمت لفرحتة لدرجة من شفت فرحتة بذيچ اللحظة ايدي گامت ترجف من وحدها ..

نزلها وعمتي نزلت دموعها ولزمت وجها ..