منقذي من الهلاك

هلاك 61

يطفح بچفي حنينيّ
ومن حَنيني إعليك أغار..

عريان السيد خلف

" منقذي من الهلاك "

..بقلمي روح..
____________________________

ترف : رجع موج لعلي

باوعلي برفعة حاجب ورد وگف يم الطباخ وگال  ..

المهيع : ترف هاي الشغلة لا تدخلين بيها ..

نزلت وگفت يمة لزمتة من ايدة ودرتة علي باوعتلة وحچيت ..

ترف: ليش ترى خطية.. والله علي هسة حبها من صدگ ما راح اياذيها صدگني شفت الحب بعيونة وشلون عاشگها كافي مهيع رجعها آلة خطية ..

المهيع: چوو ما ارجعها ..

تنهدت ورديت ..

ترف: يعني تقبلها اني ياخذوني اخوتي منك وما يردوني حس بي خطية ..

باوعلي بخزرة ورد بكل حدة ..

المهيع : انة ما اسوي اسوايتة واطلعچ بالوحدة بالليل وراها بكل عين صلفة جاي يطالب بيها ..

أخذت نفس وتقربت منة لزمت وجها ورديت ..

ترف: بس حبها انطي فرصة مهيع لا تسوي هالشكل لخاطر موج هي تريدة وتحبة كافي سامحة لخاطري حبيبي فدوة حباب..

ضل فترة يباوعلي واني مبتسمة بوجها متانية يحچي .. تنهد وهز راسة فتحت عيوني وصحت..

ترف: شــــنوو يعني ؟

غمض عيونة وحچة ..

المهيع: صوتچ هي بربوگ هاهية ارجعها ..

طفرت علي وضميتة وادية مقيدة  رگبتة وهو نزلي لان ما شاللة طولة ههه..

ترف: احبـــك احبـــك يمة رجلي أبو گلب الطيب امووت عليك ...

ضحك وضمني بقوة وباس رگبتي وحچة ..

المهيع: وانة ميت بيچ مسوفهتي ..

بعدت عنة وگرصت خاصرتة وحچيت واني اخزر بي ..

ترف: بطلها هاي الكلمة اني مرتك عييب ..

غمز ورد ..

المهيع : واذا ما بطلتها ؟

أخذت نفس وزفرتة وحچيت ..

ترف: كمل جعت وعوف هسالفة ..

ضحك وهز راسة.. كمل العشا وگعدنة ناكل وطبعن الگعدة ماخلت من شقتاه وغزلة لحد ما صعدنة ومثل كل يوم ضمني بحضنة ونام .......

.

گعدت الصبح باوعت لمكانة ما چان موجود گمت غسلت وغيرت ملابسي وطلعت ... واني نازلة من الدرج اغني بغنية اجت على بالي ...