منقذي من الهلاك

هلاك 27

ولةُ في القلب ما لا يجوز لغيرة ..

وفي النبض نبض على سواة محرمُ ..

~~~~~~~~~~~~~~~~~~~~~~~~~~

..« أنة بلياك صعبة هوااي دنياتي »..

..ترف..

~~~~~~~~~~~~~~~~~~~~~~~~~
________________________________

مر شهرين على الخطوبة واحلى اياام عشتهاا وي مهيع بحبة وغزلة وكلامة وكلشي بي صارلي علاچ روحي وعوضني عن كلشي صارلي ..وي كل يوم يمرر يزيد حبي آلة  وكل يوم من اگعد على السجادة اشكر رب العالمين لأن عوضني بمهيع ..

.
.
واليوم گعدت من الصبح لاان البارحة أبوية عزمة على الغدة و راح يجي .. غسلت وجهي وطلعت للمطبخ لگيت امي واسيل...

اسيل : هلوو عيني اليوم منچ من الشيطان گاعدة من الصبح ..

عيبت عليها ورحت لامي بستهاا من خدهاا وگلت..

ترف: صباح الگيمرر يحلوو..

ضحكت وگالت ..

ام ترف: شلون وي السانچ انتي ..

ضحكت ورحت گعدت .. وگالت اسيل ..

اسيل : ااي اليوم گاعدة لأن حبيب الگلب راح يجي ..

بااوعتلها وخزرتها وگتلها..

ترف: انچبببي ..

دخل علي وگال..

علي: وشعندة جاي باللة ..

ضحكت واجة بااس راسي وگعد .. طبعاً اخوتي فدد يغارون من مهيع ..بكل ذيچ الفترة من مهيع يجي يشوفني يضلون گاعدين يمة ويضلون يسولفون وياا ويخلوني گاعدة بينهم ومهيع يشيط للستاار واني ميتة عليهم من الضحك ....

ردت علي امي ...

ام ترف: يااا يمة غير نسيبنة وفشلة شلون مانعزمة ..

رفع حاجبة وباوعلي وگال..

علي: شنو رايچ نطلع اليوم اني ويااچ افرفرچ..

ضحكت ورديت بخبث ..

ترف: لااا شلون غير رجلي راح يجي شلون اعوفة ..

خزرني وشال ايدة وغمني وگال..

علي: طااح حضچ وحض رجلچ ..

متت من الضحك علي .. خلصنة الريوگ وگمت ساعدتهن بالتنضيف .. ودخلت لغرفتي طلعت ملابسي حتى اسبح چان يدگ جهازي شلتة وابتسمت من قريت الاسم كاتبة على اسمة ...اماني .. خليت وفتحت خط واجاني صوتة  ..

المهيع : خرزاية گلبي..

ابتسمت ورديت ..

ترف: اجيت ؟ وين وصلت؟

ضحك وگال بمكر وبنبرة ملتوية ..

المهيع : هاا ترفتي جاسچ الشوگ مشتاقتلي ..