منقذي من الهلاك

هلاك 49

الحزن مو سالفة وتگضي

حزن يشرب تفاصيلي

وتعب يشبهني من ابچي ..

" منقذي من الهلاك "

... بقلمي روح...
___________________________

تصويتكم ومتابعة حسابي وتعليقاتكم بين الفقرات احبكم 💕..

كلنة بچينة لحال مهيع وشلون..

يباوعلها بكسرة وعيونة صارت دم وايدة ترجف بلع ريگة وطاحت دمعة منة وحچة بكل هم وقهر ..

المهيع: طالگ يحسرتي طالگ يا جرح گلبي طالگ يخرزايتي..

متنة بچي لحالهم علي طلع برة ما گدر يبقى اكثر ومهيع وجها احتقن وگف ايريد يطلع وصل لباب المدخل وانصدمنة واحنة نشوف مهيع وگع من طولة ..

اسيل : علييييييي الحگ..

دخل علي وفتح عيونة بصدمة .. ركض علي وشال راسة ..

علي: مي مي بسرررعة ..

ركضت جبت مي وعلي آخذة صار يشمر بوجها بريدة يصحي...

باوعت لترف وهي عيونها على مهيع  تقربت منها ولزمت كتفها وصرت اهزز بيها واصيح...

اسيل: ترررف اصحي على نفسسچ مهيع راح يروح منچ امانچ راح يعوووفچ ولچ شببيچ تررف ..

بعدت عني وخلت وراحت لغرفتها وسدت الباب وراها .. تقربت من علي ..ومهيع هستوة فتح عيونة ..

علي: مهيع شجاك خوية گول يا اللة كلشي ينحل..

هز راسة وگف على حيلة..

المهيع : بتعب ... عادي دوخة بسيطة أنة رايح ..

علي: لزمة من ايدة ... وين خل اخذك للمستشفى نقيس ضغطك..

هز راسة وابتسم بتعب ورد ..

المهيع: ماكو داعي لا تخاف الموت بعيد عني ..

دار عينة لغرفة ترف وحچة وهو عينة عليها ..

المهيع: ديربالكم عليها تراها رويحتي..

خلة وطلع ومن كوة يمشي حسيتة شايل تعب الدنيا كلها على چتافة ...

علي: اللة يساعدة..

سمعنة صوت كسر من غرفتها واحد باوع بوجهة الثاني ركضنة الها  دخلنة وهنا شهگت وفتحنة عيونة بصدمة واحنة نشوفها تتقيئ دم ..

اريد اروحلها ماا اگدر احس أطرافي ترجف .. ركضلها علي ورفع راسها وهنا بچيت بخوف واني اشوف خشمها وحلگها يجرن دم .. وصارت ترجف بحضن علي ..

هنا علي تخبل رأسن شالها وركض بيها .. اخذت عباتي وبنتي وطلعنة اني وعمتي وراهم .. صعدنة يمها وعمتي مخلية راسها بحضنها ونبجي على حالها ..