منقذي من الهلاك

هلاك 57

اعمه الوجع وبروحي يفتر
وگلبي اعله كيف النار تسعر

مثل اليوج وتوه خضر
لاعاش الخضار وميت اصفر

يلي مجانك فوك الابهر
ردها الصباها الروح تكبر

كل يوم انطرك شيبي يكثر
جبير النهر مامنه معبر

" منقذي من الهلاك "

...بقلمي روح..
__________________________
تصويتكم ومتابعة حسابي تعليقاتكم الحلوة بين الفقرات احبكم 🤍 🦋

وهنا صدگ حسيتها راح تصير كارثة وبس الله الساتر من صاح مهيع بكل غضب وهو يركض للدرج ..

المهيع: لــــــــك عــلــــــــيي..

موج : عوفني يا اخي ما اريدك بعد انتهينة اني وياك بعد ما نصلح نبقى سوى ..

قرب وجها من وجهي ورفع ايدة وضغط على فكي بقوة وهمس بحدة ..

علي: البينة ما ينتهي آلة بموتي هذا كلامچ ما ينعاد مرة ثانية گتلچ اهدي وخلينة نحچي واوضحلچ كلشي ...

موج : ما ....

فتحت عيوني بصدمة وحيلي صار يرجف بزايد واني اسمع صوت مهيع .. وثواني بس وصار گبال باب غرفتي صار يصيح بكل غضب ويضرب بالباب بعد ما شافها مقفولة..

المهيع : لك گوااد افتــح البااب لك علييي لا تخبلني افتتتح النعل لا اكسرهاا على راســك اليوم علــــي..

نزلت دموعي وحيلي صار يرجف بعد ما سمعت صوت مهيع ومبين من صوتة الغضب وعرفت علي بعد سوايتة هاي ما راح يطلع منها سالم ..

موج : ع-علي افتح الباب واطلع مناا روح علي..

بعد عن الباب بعد ما اخذ المفتاح وحچة..

علي: ماني طالع منا قبل لا نحچي ..

غمضت عيوني بيأس وصحت..

موج : يا اخي ما اريد احچي ويااك ما تفهم ما بينة حچي بعد انتهى كلشي البينة أفهم ..

المهيع: وحگ علي اذا  ما انفتحت الباب اكسرررها افتح ال--- وك گواد سااقط ..

بلع ريگة وقرب من الباب وخلة راسة عليها وحچة بنبرة رجاء...

علي: مهيع لخاطر الخوة البينة لخاطر الأيام العشناها بحلوتها ومرتها خليني احچي وياها حتى لو للمرة الاخير بس عوفني احاچيها ..