منقذي من الهلاك

هلاك 43

أنة المبيوگ أنة المامش

أنة البس اسمة بشر عابش

أنة الثگلت علي روحة

أنة الكل تايهة وكل عابرة تلوحه

أنة المتروس گلبة عتاب

وانة العينة على دگة باب..

..المهيع..

~مقذي من الهلاك ~

" بقلمي روح "

_______________________________
لا تنسون تصويتكم ومتابعة حسابي وتعليقاتكم بين الفقرات احبكم....

مرت ربع ساعة وبعد ما گدرت اتحمل اكثر خليت وصعدت .. تنهدت ودگيت الباب ما اجاني صوت خليت وفتحتها دخلت وچان اشوف ..

مهيع گاد بالگاع ومرتچي ظهرة عالجرباية والچگارة بيدة وفاتح لطمية ويقرة وياها بكل حسرة وحزن..

_ وين الگبل چانو عزاز وعلية من الهوى لو مر يخافون ..مثل الدمع سالو لو سال عالخد االدمع ما يرد للعيون .. عافوني وراحو چم باچر اباچر مشت يمتة يردون..

بلعت ريگي وتقربت منة گعدت يمة وهو ما منتبة رفعت ادية ولزمت وجها لحد ما صارت عيونة المحتقنة بعيوني مسدت بابهامي على خدة وهمست..

ترف : ادري بيك تريد تبچي ادري هسة گلبك ماذيك ومنكسر لا تكبت بداخلك اني يمك أني احتويك اني وياك انت مو وحدك ..

رجفت عيونة ودمعتة صارت بطرف رمشة ما يريدها تنزل بلع ريگة ودنة روحة عني ونام وخلة راسة بحضني وجها صار بخصري وطوقني بدي  ..

ونزلت دموعي واني اشوف ظهرة يهتز واسمع شهگاتة المكتومة ضليت امسد على شعرة ودموعي تنزل وي كل شهگة منة خليتة براحتة يطلع البداخلة .. وبديت احچي ويا وي كل دمعة تنزل مني..

ترف : انت مانك ضعيف ما يصير تسوي بنفسك هيچ اعرف مشتاقلها وتريدها يمك بس هذا الشي مو بيدها ربك كاتب حد يومها ..

رفع راسة وباوع بعيوني وعيونة صارت دم .. هز راسة وابتسم باستهزاء ورد...

المهيع: لاا غلطانة هي بيدها ختارت تموت هي ختارت تعوفني وحدي هذا چان قرارها هي مو اختيار ربچ هي قررت .... تنتحر ..

فتحت عيوني عالوسعها وشهگت وهمست..

ترف : ت-تنتحر ..

نزلت دموعة وهز راسة وحچة بكل ألم وحزن واحس گلبي يتفطر وي كل كلمة يحچيها ..

المهيع: انتحرت گبالي ما فكرت بية انتحرت وهي وتباوع بعيوني انتحرت گبال طفل عمرة تسع سنين گبال طفل ما فكرت بي لو لحظة وحدة ما فكرت شراح يصير علي من بعدها چانت وحدة أنانية ما تفكر غير بنفسها ...