منقذي من الهلاك

هلاك 65

‏إِن لم تَكُن عَيني فإنَّكَ نُورُهَا
‏أَو لَم تكُن قَلبي فأَنتَ حَبيبهُ

" منقذي من الهلاك"

..بقلمي روح..

____________________________
تصويتكم ومتابعة حسابي تعليقاتكم الحلوة بين الفقرات احبكم 🤍 🦋

ومرة واني گاعدة اتصلت علية موج .. فتحت خط وراحت ابتسامتي واني اسمعها تبچي وتحچي بشهگى..

موج : تررف ..

ترف: موج شبيچ ليش تبچين احچي شكو شصاير ..

وچان ترد علية كلام صفني ..

موج : ترف انـي حامل ... الوو وينچ ..

استوعبت الحچتة ورديت..

ترف: لعد يا غبرة شبيچ تبچين ؟

وردت وهي تضحك من بين دموعها ..

موج : فرحانة ما ادري ليش ابچي بس لسة ما مستوعبة ..

ضحكت وفرحتلها من كل گلبي ..

ترف: ههه اهمداچ وگعتي گلبي ..الف مبروك يروحي

موج : الله يبارك بيچ حبيبتي ..

ترف: أيي وعلي گلتيلة ..

موج : لا ما گتله هسة عرفت بروحي وما اعرف شلون احچيله خايفة ..

ترف: من شنو خايفة اصلن بهاي اللحظة ما لازم بگلبچ بس الفرحة لا تخربيها بخوفچ روحي گليلة وفرحيلة گلبة ..

موج : ايـي من يجي راح احچيله ههه..

ابتسمت لفرحتها ضلينة نسولف شوي لحد ما سدتة مني ... تالي رحت وغيرت ملابسي وگعدت متانية مهيع حتى نروح لدكتورة.. فترة ودخل مهيع تقرب مني وگعد يمي لزم ايدي وباس باطنها..

المهيع : شبيها خرزايتي شو اليوم معوشة ..

ابتسمت بتعب ورديت ..

ترف: ما اعرف بس هاي الفترة تعبانة واحس بخمول واريد بس انام ..

المهيع: سلامتچ من التعب گومي خلينة نروح ونشوف ليش فروخي متعبيچ ..

ابتسمت وخلينة وطلعنة وخليت آسر يم عمتي .. فترة ودخلنة للدكتورة فحصتني وشافت وضعي تالي گعدنة اني ومهيع گبالها چان تگول ..

الدكتورة : مامة وضع الأطفال جيد وهذا الارهاق طبيعي لان باشهرچ الأخيرة بس اريد احچي وياكم بموضوع جدأ مهم ..