منقذي من الهلاك

هلاك 22

والروح للروح تدري من يناغمها..

كالطير للطير في الانشاد ميالُ..

~~~~~~~~~~~~~~~~~~~~

..« أنة بس لعيونچ مرخص حياتي »..

...المهيع...

~~~~~~~~~~~~~~~~~~~~~~~~
_________________________________

دخلت للبيت وچان عمامي كلهم موجودين ...جريت نفس ودخلت سلمت ورحت گعدت بسد اسيل وهمست ...

ترف: شكو ولچ شعدهم..

باوعتلي بطرف عينها وردت..

اسيل: لا تحچين وياي ..اني أسدي بوجهي ولي مني ..

هزيت راسي وگتلة..

ترف: انچبي مو اني سديتة مهيع ..وخزيتيني گبالة وكل حچيچ سمعة ..

باوعتلي وفتحت عيونها ..

اسيل: لا اللة عليچ ..

هزيتلها راسي ورجعت سالتها ..

ترف : اي گولي شكو شعدهم جاين ..

اسيل: شمدريني هستوهم دخلو ..

هزيت راسي وگمت اريد اروح لغرفتي .. چان يگول عمي ..

عم ترف: بوية ترف عندي موضوع وياچ اگعدي ..

خليت وگعدت ..

ترف: تفضل عمو ..

عم ترف: بوية اجينة اليوم نعتذر منچ على تصرف هدى وامها البارحة..

ترف: لا عمو على شنو وانت شعليك .. هو هذا طبعهن ما زعلانة لاتشيل هم ..

ضلو فترة يمنة لحد ما راحو .. اجة امير من برة وبيدة آسر.. گبل ذب روحة علية..

ترف: حبيب گلبي وين چنت ..

آسر: اتلي دوعان ..

ضحكت وبستة ..

ترف:: يمة سوري جوعان يخسة الجوع يروحي ..

باوعلي وگال براءة...

آسر: اماا اليد بتلي اينة..

گبل غيرت الموضوع اجة يفصحني .. باوع امير لاسيل وگال بخباثة ..

أمير: گومي اسيل جيبيلي مي ..

ابتسمت اسيل براءة وعرفتها وراها شي .. باوعت لامير وگالتلة ..

اسيل: صار تدلل ..

أمير ضل فاك حلگة عليها وما مصدگ .. راحت للمطبخ وجابتلة مي وقدمتة وگالت ...

اسيل: بالعافية خوية ..

أمير: هاي انتي اسيل بذاتچ لو مغيريچ ..

ابتسمت وگالت..

اسيل: لا هاي اني ..

اجت وگعدت يمي .. همستلها ..