منقذي من الهلاك

هلاك 62

يا لذيذي يا تعب چفي وربات عيوني
  
مظفر النواب

..منقذي من الهلاك..

..بقلمي روح ..

_____________________________
تصويتكم ومتابعة حسابي تعليقاتكم الحلوة بين الفقرات احبكم 🤍 🦋

موج ..

رجف گلبها لكل كلمة كاتبها وهي تفسر معناها لدرجة ما حست لدموعها النزلت من عيونها واخذت مسيرها.. ابتسمت بحب ورفعت اديها المحاوطات الورقة وشمتها وهمست ..

موج : وانة اكثر احبك أكثر ..

أخذت نفس ومسحت دموعها وطاحت عيونها عالثوب الموجود عالجرباية اخذتة وابتسمت ومشت بخطواتها الاتجاة الحمام ....

مر الوقت وطلعت من الحمام وهي لابسة الثوب الأبيض وگفت گبال المراية وناضرت شكلها وهمست ..

موج : بداية جديدة...

شسورت شعرها وعدلتة خلتة مهدود لظهرها ..خلت شوي مكياج صارت تتحرك بالغرفة وما تعرف ليش فجاة حست  بالخوف  ومتوترة ..

أخذت جهازها بسرعة واتصلت على اول شخص طرا بالها وحست راح يساعدها... دقايق وردت ..

ترف: ها موجة شنو شتاقيتيلي ..

بلعت ريگها وردت بارتباك ..

موج : ترف علي ..

ترف: شبي علي شبيچ موج احچي ..

أخذت نفس ورجعت حجت ..

موج : اا علي يريد نبدي بداية جديدة يعني شوفي ترف افهميني ..

ابتسمت لارتباكها وحاچتها بكل هدوء بعد ما فهمت عليها ..

ترف: موجة اسمعيني اول شي اريدچ تخلي بالچ علي مانة علي الأولي هسة هو صار شخص ثاني بالنسبة الچ صار بس علي اليعشگ موج خلي هل شي بالچ ما دامة علي يحبچ لا تخلين أي ذرة خوف بينكم علي هسة امانچ انطي روحچ وانتي مطمئنة ما دامة يحبچ مثل ما گال بداية جديدة عيشي الحظة بالحظتها ارسمو عالم كم الخاص عالم بي بس موج وعلي عيشو وخلو ذكريات تعيشوها وتكون قصة تسولوفها  لجهالكم وشلون علي حبها لموج لا تخلين أي ذرة خوف بداخلچ سلميلة روحچ وحبو بعضكم اكثر واكثر ...

غلقت الخط واني افكر بكلامها احس الخوف والارتباك  انشال مني ابتسمت واني اهمس .. علي اماني نعيش كل لحظة بالحظتها ..

رفعت عيونها بعد ما سمعت صوت الباب انفتح ودخل منة علي .. صارت گبال عيونة وگفت خطواتة وهو يتأملها بكل حب يتامل كلشي بيها وهو يشوف جمالها ...