منقذي من الهلاك

هلاك 30

لاتخليي بدربي عثرة

كل ظرف يبعدني عنك ما اقدرة

حبني هي الدنيا فترة

~~~~~~~~~~~~~~~~~~~
____________________________

« الكلام منقول من لسان موج »

چنة واگفين جاي نضحك ونشاقة واجت عيني على ترف وانصدمت من شفت وجها اتحول عبارة عن قطعة زرگة ولازمة گلبة وما تگدر تتنفس ..صحت من شفتها راح توگع ..

موج : مهيييع ترررف ..

اتبه عليها وبحركة سريعة لزم راسها قبل لا يرتدم بالمنصة خلة راسها بحضنة ويضرب على وجهاا وچان باين على وجهة الخوف وهو يحاچيها ..

المهيع: تررف شبيچ يروحي شو اهدي جري نفس اهدي على كيفچ..

وچانت ترف من گوة تفتح عيونها وتحاول اتضل صاحية وتأخذ نفس .. العالم االتمت عليها وهو صااح بغضب ..

المهيع: وخرررو عنهااا خل تتنفس ...

خلة ايدة على صدرها وصار يفركة وبس يريد يستقر نفسها وهو يهمسلها ..

المهيع : اهدي يروحي على كيفچ لا تفجيعين گلبي بيچ اتنفسي بهدوء يعمري..

انباوعلها حالتها تسيئ ما تتحسن لحد ما تحولت شفايفها زرگ وعيونها صارت من گوة تفتحهن وهو تخبل ..
گبل جر عباية وشالهاا وطلع بيها مثل المخبل خلييت وجريت عباية وطلعت ورا وصل للسيارة باوعلي وصاح بغضب ..

المهيع: المفتااح بجيبي طلعيي بسااع ..

طلعت المفتاح وفتحت الباب وخلاها ورا واني خليت راسها على رجلية وهو صعد وساق باعلى سرعتة وايدة مادها ولازم أيدها بقوة .. وكلساع يباوعلها ...

المهيع: فركي صدرها خليها تتنفس ابد لاتخليها تغمض عينها ..

سويت مثل ما گالي وصرت ابچي على حالهم واباوع لمهيع اعيونة صارن دم ويتنفس بغضب وترف من گوة تفتح بعيونها .. لحد ما انتبهت عليها غمضت عيونها وما تفتحن لو اتخبلت صرت اضرب بوجها ما تگعد وصحت ...

موج : مهييع تررف غمضت  عيونهااا ..

گبل وگف السيارة بشكل جنوني واچة من جهتنا وصار يضرب بوجهاا ويشوف تنفسها...

المهيع: مابيها شي مابيها غابت عن الوعي ..

خلة ورجع ساق ..لحد ما وصلنة للمستشفى نزل وأخذها مني ودخل للمستشفى وهو يصيح... عمري كلة ما شفت مهيع هيچ خايف اول مرة اشوفة بهل الضعف وعرفت بهل لحظة شگد اخوي يحبها وهي مصدر ضعفة ..

المهيع : دكتووور ويين ..

گبل التمت الدكاترة واخذوها منة وخلونة برة وهنا مهيع أنهار وگع على باب الغرفة وهو لازم راسة ويتنفس بقوة ... گعدت يمة واني ابچي ولزمت ايدة وگتلة ..