منقذي من الهلاك

هلاك 41

واذا التقت عين الخليلِ خليلها

وسط الحشود فليس للنطق ثمن

تكفي تعابير الوجوه كأنها

انهار شوقٍ فاض من كثر الشجن..

بقلمي روح "

" منقذي من الهلاك "

___________________________

لاتنسون تفاعلكم وتصويتكم وتعليقاتكم بين الفقرات احبكم..

المهيع: منين اتخاف احچيلي حبيبي لاتچذب علية ترى بعد ما احبك لاتخاف مني أنة وياك راح احميك من كلشي..

باوعلة آسر وعيونة كلها دموع وحچة كلام صدمنة وضلينة واحد يباوع عالثاني واحس گلبي راح يوگف ...

آسر: و-واحد اخذني مكان وضربني ..

مهيع صار يتنفس بغضب لدرجة  عروگ رگبتة بينت..رجع حاچاة بنبرة لينة حتى مايخاف آسر..

المهيع: حبيبي وليدي لاتخاف احچيلي كلشي من البداية ..

اباوع لأسر واحس روحي تطلع واني اشوفة صار يبچي ومعالم الخوف مبينة على وجها..

آسر: لا هو مايقبل گالي اكتل ابوك إذا حچيت لواحد..

المهيع: انت مو تگول أنة بطلك وما دامني هيچ ما اريدك اتخاف انت وليدي انت ابن المهيع ما اريد اشوفك خايف وحگك آخذة من حگ السبع احچيلي وليدي ولا تخاف يلة ...

وصار يحچي آسر وهو خايف و يبچي ومهيع عيونة صارت دم وهو يسمعلة..

آسر: چنت جاي العب بالباب واجة هذا گالي تعال اشتريلك چبس واني رحت ويا اشترالي وداني أهنأ مكان مفلش و-وذبلي قميصي واني ما رضيت لأن عيب واحد يشوفني مصلخ غير اماا وصرت ابجي واريد اشرد ما خلاني ..

شهگت وخليت ايدي على خلگي وحيلي صار يرجف باوعلي مهيع وفتح اعيونة بمعنى ما اسوي شي ومهيع احسة راح يطگ من الغضب لدرجة وجها صار ازرگ ...

المهيع: كمل وشسوالك بعد احجي ولا تضم عني شي ..

آسر: صرت ابچي وهو ضربني على خدي وگالي إذا تگول لواحد اكتل ابوك وبعد ما اخليك تشوفة ..

المهيع: منو هو ماتعرفة شكلة شلونة ..

هز راسة آسر وهو يبچي وحچة كلام فتحت عيوني بصدمة وما مصدگة السمعتة ..

آسر: ااي هو غيث ..

ضغط مهيع على چف ايدة وهز رأسه وضمة مهيع لصدرة وهو يحاچي..