منقذي من الهلاك

هلاك 29

فيديني اليك الشوق
      حتى تكاد
تأن في صدري العضام..

__________________________

( اجي تعبان من كلشي ويرد حيلي بنضر عينچ)

..المهيع ...

~~~~~~~~~~~~~~~~~~~~~
__________________________

ترف: اي بس ماتشبة امچ ابد عبالك مو امهاا..

باوعتلي موج باستغراب لحد ما بلعت ريگها وگالت كلام صدمني ...

موج : ب-بس هاي مو أمة لمهيع ..

فلت وجهي وضليت صافنة بوجها بلعت ريگي وما مستوعبة الگالتة  ..

ترف: ش-شنو مو أمة شبيچ موج ..

اخذت نفس ولزمت ايدي وگالت..

موج: مهيع أمة متوفية واحنة اخواتى من ابو  شنو ما گايلچ..

ضليت مستغربة وافكر ليش ما گالي بهذا الشي ..لحد ما صحتني موج وهي تگوول ..

موج : شبيچ ترف ..

ترف: هاا لاا ماگايلي زين شلون توفت ...

وهنا بين على وجها الارتباك وبلعت ريگها وگالت..

موج : ح-حادث ..

سكتت ما رديت واني مستغربة واحس اكو شي .. جريت نفس وگمت رحت للمطبخ وفكرة توديني وفكرة ترجعني لحد ما دخلت امي باوعتلي وگالت..

ام ترف: شبيچ واگفة هناا روحي دخلي بالمضيف سلمي على مهيع فشلة ..

هزيت راسي وخليت ورحت اخذت نفس وفتحت الباب ودخلت ما لگيت اخوتي بس مهيع گاعد يلعب بالجهاز .. من سمع الباب نفتح رفع رأسه باوعلي وابتسم وگف واجة گبالي ابتسمت  حاولت أبين انو اني طبيعية .. لزم وجهي بيدي وباس راسي وگال..

المهيع: شلونچ گلب..

ابتسمت بارتباك ورديت ..

ترف: ا-الحمد للة ز-زينة ..

عگد حواجبة وگال...

المهيع : شبيچ شو مبين مالچ خلگ ..

هزيت راسي بلا ورديت ..

ترف: احم لا ماكو شي انت شلونك ..

ضل صافن علية وما مقتنع حاوطني بايدي وگعد على القنفة وجرني وگعدني بحضنة ولزم شعري خلاة ورا اذني ورد بصوت هادئ...

المهيع : شبيچ بباتي يروحي ليش احسچ ضايجة وجهچ اصفر ..

بلعت ريگي وهزيت راسي بلا ورديت...

ترف: لاا ماكو شي هيج دتتوهم ..

المهيع : تررف اعرفچ حتى قبل للتحچين جاوبيني شبيچ..

نزلت راسي وصرت افرك بيدي انتبة لحركتي لزم ادية اثنينهن وغطن بچف ايدة  ونزل راسة وباس باطنهن ورفع راسة ورد..