منقذي من الهلاك

هلاك 13

- كأننا مع الفقد والألم والشوق تغمرنا
حالة عجيبة من التسلم ونشعر اننا
نتقبل ذالك ..ونحيا مع ما جادت لنا بة الاقدار..

~~~~~~~~~~~~~

« شعتب شسولف شنتظر لا نظرة ظلت لا هلا لاچلمة بيني وبينة»

٠:ترف:٠

~~~~~~~~~~~~~~~~~~
____________________________

احس حيلي صار يرجف وأحس گلبي راح يطلع وعيوني غورگت بالدموع  ..غمضت عيوني واتخذت نفس ودرت وجهي على مكان الصوت وچان رجال واگف اتقربت بسرعة  منة وكلي راح التقي بي گتلة ..

ترف: و-وينة

باوعلي وعگد حواجبة وگال..

: شنو تفضلي اختي محتاجة شي ..

اخذت نفس وگلت ..

ترف: م-مهيع وينة احچي وينن مهيع ..

اجة ولد صغير وگف يم الرجال .. رجعت باوعت على الرجال وكلي امل يعرف وين مهيع .. باوعلي وگال ..

: هذا ابني مهيع ..

غمضت عيوني وحسيت الم ضضرب گلبي  وگعت دمعتي ..

: اختي بيچ شي

هويت راسي وگتلة..

ترف: لاا م-ماكو شي شكرا الك واسفة عبالي تحچي بغير شخص اعرفة ..

عفتة ومشيت تالي خليت وگعدت لأن رجلية بعد ماتشيلني .. حسيت واحد وگف گبالي رفعت راسي شفت علي ويمة ايهم ..

علي : هاا ترف شبيچ ليش گاعدة هنا ..

هزيت راسي وگتلة بصوت مهزوز..

ترف: لا ماكو شي بس تعبت شوية ..

ماگال شي وحس علية  باوع لايهم وگال..

علي: ايهم انت روح وراهم واحنة شوية ونلحگم ..

هز راسة وگال..

ايهم: ماشي واذا احتاجيت شي گلي..

هزلة راسة وراح .. گعد يمي ولزم راسي خلاة على صدرة وگالي ..

علي: ابچي لاتكتميهن ابچي وارتاحي بنيتي ..

بس گالي هيچ  حسيت ضربني على گلبي ماصدگت كمشت بقميصة وضميت وجهي بصدرة وصرت ابچي بحرگة وجع ...

ترف: اااةة علي ت-تعبت مليت م-ماريد هاي الدنيا ماريدها ا-احس روحي جاي اموت عالبطيئ تعبت كافي ...

باس راسي وگال..

علي: ليش هيچ يروحي ليش هيچ داتحچين شصار ااهدي يروحي كلشي ينحل بس يرادلة صبر اهدي ..

ضليت ابچي فترة لحد ما حسيت روحي صرت شوية زينة شلت راسي ومسحت دموعي  باوعتلة وابتسمت وگتلة ..

ترف: انت احسن اخوو بهل الدنيا كلها ..

شال ايدة وگرص خدي  وگال ..