منقذي من الهلاك

هلاك 31

واهيم شوقاً أن مررت بخاطري

كهيام ارضً لسحابِ الماطرِي

~~~~~~~~~~~~~~~~~~~~~

..«لاتروح ولا تهدني أنة بغيابك يتيم »..

..المهيع...

~~~~~~~~~~~~~~~~~~~~~~~~
_________________________________

( خلو تعليقاتكم بين الفقرات حبايبي)

اباوع النفسي واني بالمستشفى اليوم هو عمليتي
گاعدة بالغرفة وكلها موجودة يمي اباوع لاهلي واشوف الكسرة بعيونهم ..

امي التنزل دموعهاا ولازمة القران وتدعيلي لو
أبوية المحني ظهرة والتعب باين علي لو علي
اخوي وأبوي الثاني واني اشوف الدمعة بطرف عينة والخوف الباين على وجهة.. لو احمد وامير الگاعدين ومنزلين روسهم وهما مقهورين وخايفين ..

لو حبيب روحي وأماني واني  اشوفة يباوعلي بنضرة خوف واني اشوف ايدة الترجف وعيونة المحتلها الحمار چان يباوعلي بنضرة ترجي نظرة فسرت معناها ..لا تعوفيني ..

دخل الدكتور وباوعلي وگال ...

الدكتور : اشلونچ ترف ..

هزيت راسي ورديت بتعب ..

ترف: الحمد لله..

الدكتور : ما اريد أي توتر وان شاء الله تطلعين منها بخير وبعد نص ساعة ندخلچ للعمليات اريدچ تتحضرين ..

هزيت راسي وخلة وطلع ..تقربلي مهيع واهلي وأهل مهيع من شافو طلعو وخلونة وحدنة ..

اتقرب مني وگعد بالگاع على ركبة ولزم ايدي بقوة  ونزل راسة عليها ويطبع بوساتة عليها .. نزلت دموعي وشلت ايدي الثانية وخليتة على شعرة ونزلت راسي وضميت وجهي بشعرة وهمست بصوت مهزوز....

ترف: م-مهيع شو...

سكتت واني احس شي حار صار على أيدي .. صرت اشهگ واحچي بقهرر..

ترف: لا سوي هيچ مهيع لا تبچي واللة جاي اتموتني هيچ لخاطري لا تنزلهن لخاطري لاتسوي هيچ ..

رفع رأسه وباوعلي وعيونة دم ..

المهيع : متانيچ أنة راح ترجعيلي صح ؟

هزيت راسي وشلت ايدي وخليتها على لحيتة وهمست..

ترف: ا-اي راجعتلك ..اريد اناام على صدرك اريد انام يمك اماني ..