منقذي من الهلاك

هلاك 28

والله إن الشوق فاق تحملي
ياشوق رفقً بالفؤاد الا تعي
حاولت أن اخفي هواك وكلما
اخفيتة بالقلب فاضت ادمعي ..

~~~~~~~~~~~~~~~~~~~~~~~

( خلو تعليقاتكم بين الفقرات حبايب گلبي)..

~~~~~~~~~~~~~~~~~~~~~~~~~
__________________________________

باوعلي وبتسم وچان يگول..

المهيع: باچر اسمچ ينكتب بالجنسية خرزايتي ..

ضليت صافنة بوجها وبعدين بلعت ريگي وگتلة..

ترف: ش-شنو يعني ..

ابتسم ورد بصوت هادئ..

المهيع: باچر نعقد محكمة وتصيرين گدام الشرع والقانون حبيبتي ثم خطيبتي ثم مرتي ..

ابتسمت بخجل ورديت..

ترف: يعني باچر نعقد محكمة..

هز راسة وگال..

المهيع: ااي يخرزايتي ااي يمرتي ..

ضحكت ورجعت گتلة..

ترف: زين و دوامي شلون ..

المهيع: من تخلصين محاضرااتچ اجيب والدتچ وامرلچ ونروح نعقد ...

هزيت راسي واحس عيوني قفلت تثاوبت وگتلة ..

ترف: يلة كافي خلصت كروتك راح اسدة ..

فتح عيونة وگال...

المهيع: لا تسددي خلي مفتوح ..

باوعتلة بنعااس وگتلة ..

ترف: اريد انام ..

ابتسم ورد ..

المهيع : نامي وخلي مفتوح بعدني ما شبعت عيوني شوفهاا بيچ ..

ابتسمت وثبت الجهاز على وجهي وغطيت نفسي وباوعتلة بعيون ناعسة وهمست ...

ترف : هم يجي يوم وتكرهني لو حبك يقل ..

ضل يباوعلي فترة وابتسم بحب  وأشر على جهة گلبة  ورد ..

المهيع: من يوگف هذا  والروح تصعد لربهاا راح ابقة عشگانچ وي كل لحظة وكل ثانية يزيد حبي الچ وابقة هايم وميت عليچ..

ابتسمت وضليت اباوعلة بنعاس لحد ما غمضت عيوني ونمت ..

ابتسم من شافها نامت وضل يباوعلها بعيون هايمة ما يعرف شنو سر هذا الحب البداخلة تجاها ليش هيچ يحبهاا ومتولع بيها وبكل شي يخصها ..

طر يوم جديد ..گعدت الفجر على صوت المنبة سديتة وگمت غسلت وصليت وغيرت ملابسي وغطيت أسري وطلعت لگيت اهلي موجودين صبحت عليهم وگعدت ...

ابو ترف: بابة حضري نفسچ البارحة اتصل مهيع واليوم تعقدون...

بلعت اللگمة وگتلة ...