منقذي من الهلاك

هلاك 7

لو عدت لم اسمح لناا بفراقاً ابدأ...

تقولينها بحسم عاشقة واقولها بتملك طاغية

تقولينها فتشبهك واعدة.. واقولها فتشبهني متوعدة..

فقط تذكر سانساك إذا صفق مبتور اليدين عجباً بصوت الابكمي....~

~~~~~~~~~~~~~~~~~~~~
_&_&____________________

ترف!!

مر الوقت واني منتضرة.. وصارت بالأربعة وماكو صرت اروح وارجع وقلقت حيل وصارت بالخمسة وهم مابين حيل قلقت گعدت وصرت ابچي واشهگ من حظي ... لحد ما سمعت فتحت الباب شلت راسي وچان اشوف المهيع واگف مبتسم وشايل بيدة طفل

عمرة مايتجاوز السنة ضلت صافنة لا أخذ ولا انطي ... باوعلي وبتسم ..

المهيع: هاا ترافي تعاي شوفي چبتلچ ضيف

مسحت دموعي ورحت وگفت يمة وباوعت للطفل واني لسة مصدومة  ابتسمت من شفتة طفل يخبل ابيض گطن  واخذتة منة وبستة وگتلة ..

ترف: هاي وين لگيتة منين جبتة ..

ذب السلاح واللثام وگعد بالگاع وگال ..

المهيع: من چنت اشوف الوضع وخلصت شغلي واني راجع سمعتة يبچي بيت من البيوت التهجرت ودخلت وماگدرت اعوفة ..

شبگت الطفل وشميتة ونزلت ادموعي وگتلة ..

ترف: و-واهلة وين عنة

المهنيه: اهلة توفوا لأن شقت بالبيت دم وبس هو ضال عايش  ولگيت بالبيت حليب بعدة اكسبايرة ماخلص شربي اذا تعرفين لأن مبين علية جوعان  وهم ملابس شوية ذن لميتهن وجبتهن ..

هزيت راسي وضليت اباوعلة ودموعي تنزل...

المهيع : اني راح اروح اسبح احس ضلوعي اتكسرت

مارديت علية  عافني وراح للحمام گعدت وخليت الطفل بحضني وگتلة بصوت يرجف ودموعي تنزل..

ترف: ا-انت هم ع-عافوك اهلك مثلي ه-هم ضيعتهم وصرت مثل حالي وهم ب -بعدك صغير وصار كل هذا وياك شلون تحملت وصبرت شلون  اوففف من التعب اخخ گلبي من القهر تعبت وماعندي طاقة صبر ..

صرت اشكي وابچي  للطفل واذب همي واعرف مايفهمني  ... باوعلي الطفل وبرطم .. صدگ يعزز قهرتي ضحكت شلتة وكزكزت علي وصرت ابوس بخدودة ...

ترف: ولك حبيبي اروح فدوة للمقهور علية ويريد يبچي يفددوة ههههه

صار يضحك واني اكزكز علية أكثر .. طلع مهيع من الحمام باوعلنة وابتسم وگعد گبالي وگال ..

المهيع: من اروح فدوة وسحل لليضحك اني ..

باوعتلة بطرف عيني وگتلة..

ترف: الزم الطفل خل اسويلة حليب جوعان خطية

هز راسة وعدل گعدتة وانطيتهيا .. صار يبوس بي ويلعب بي ابتسم على منظرهم عفتة ورحت سويت مي حار وحطيت الحليب وجبتة گعدت گبالة وانطاني الطفل وصرت اشربة بالحليب ...