منقذي من الهلاك

هلاك 25

وكنت أظن الشوق في البعد وحدةُ

ولم أدر أن الشوق في القُرب والبعدُ..

~~~~~~~~~~~~~~~~~~~~~~~~

..« گعدنة وگعدت الدنيا على واهسنة »..

..ترف..

~~~~~~~~~~~~~~~~~~~~~~~~~~
___________________________________

ذبيت الجهاز ورحت للمطبخ .. لزمت گلبي من شفت علي فتح الباب وچان ..

المهيع: السلام عليكم..

باوعلة علي وعگد حواجبة وگال..

علي: وعليكم السلام تفضل خوية محتاج شي ..

هز راسة و رد ..

المهيع: الوالد موجود ..

علي: بلي موجود ..

رجع رد ...

المهيع: اگدر ادخل عندي موضوع وياا..

هز راسة وفتح الباب وگال ..

علي: اكيدد تفضل حياك ..

گلبي صار يدگ بسرعة واني اشوف مهيع دخل للصالة ... اجتني اسيل وگالت ..

اسيل: شبيچ ليش واگفة هناا ..

گعدت على الكرسي لأن احس رجلية بعد ماتشيلني.. باوعتلها وگتلة...

ترف: ولچ اجة اسيل ..

عگدت حواجبها وگالت...

اسيل: منو الاجة شبيج ترف ..

عضيت شفتي وبلعت ريگي وگتلها ..

ترف : مهيع بالصالة اجة يحچي وي ابوي ..

فتحت عيونها بصدمة وگالت ..

اسيل: عزاا ..

طلع ابوي من غرفتة هو وأحمد وامير ودخلو للصالة .. رحت وگفنة اني واسيل ..فتحت الباب شوية وصرت اباوع واسمع  من ورا الباب  ....

گعدو ابوي واخواني بعد ما سلمو  ..وگال ابوي..

ابو ترف: تفضل ابني گول شمحتاج..

باوع علية مهيع ورد بصوت جوهري ..

المهيع: اللة بالخير عليكم ..

ردو علي كلهم ..رجع رد..

المهيع: عمي اني مهيع الي اجيت مرتين وطلبت  بنتك وما لگيت منك غير الرفض ..

اباوع على اهلي واحد يباوع بوجة الاخ ماعرفو شيگلون ومتفاجئين .. رجع رد عليهم مهيع ..

المهيع: اني اليوم اجيتك حتى اعرف شنو سبب الرفض شنو البية الخلاك ترفضني حتى بدون ماتسال علية ..

جر ابوي نفس ورد علية  ..

أبو ترف: باوع ابني احنة بتنة مانزوجها لا الك ولا لغيرك وانت من هاي جيتك ودزيت عمامك ذاك اليوم مبين عليك خوش رجال والنعم منك ومن اصلك ومامنك اقصور بس ابنيتنة ما نطيها  ..