منقذي من الهلاك

هلاك 21

اني لأنظرُ في الوجوة باسرةِ..
لارى الوجوة..فلا ارى الاكِ..

وقالو..يخلق أربعين مشابهاً..
من اربعينكِ لا اريد سواك..

~~~~~~~~~~~~~~~~~~~~~~

..« خلو صورتك بيدي ونمت گوة مثل جاهل »..

.. ترف..

~~~~~~~~~~~~~~~~~~~~~~~
_______________________________

الطريق كلة ما حچة وياي ولااا اني حچيت لحد ما وصلنة للفرع اريد انزل چان يگول شي صدمني وخلة گلبي يرجف...

المهيع: خرزايتي اربع اتيام على ماتفض سالفة اخوچ وراح نجيكم خطابة ..

بلعت ريگي واحس روحي انثولت رگزت علي وگتلة ..

ترف: ما فهمت شنو يعني ...

ابتسم وقرب نفسة علية وخلة ايدة على خدي واصبعة يتحرك على شامة شفتي وهمس..

المهيع: يعني عن قريب راح تصيرين مرت المهيع واسمچ راح يصير بجنسيتي وكلها راح تدري وتگول هاي خرزاية گلب المهيع..

كل كلمة گالها احس گلبي يهتز .. قرب وجهة وبدون وعي مني غمضت عيوني.. وطبع بوسة سطحية على شامة شفايفي .. وهمس ...

المهيع: حلفت البارحة ما راح ابوس اشفايفچ وارتوي منهن واضل عطشان الهن  لحد ما اخلي حلقتي بيدچ وذيچ اللحظة راح ابوسچ واتوي بيهن گدام الخلگ كلها ..

بلعت ريگي وضليت بس اباوع علية ونفسي يصعد وينزل بسرعة.. رجع لمكانة .. واني وعيت على نفسي بالحظتها فتحت الباب ونزلت .. بدون ما اباوعلة ..

ضليت امشي بالفرع وما مصدگة السمعتة اذني.. دخلت للبيت ولگيتها كلها مجتمعة .. واسيل گاعدة بيناتهم.. متت ضحك عليها .. باوعتلي واتاشري حتى اگومها منهن رحت وگعدت يمها .. وشاورتها..

ترف: هااا شبيچ ..

ردت علية بنفس الهمس ..

اسيل: ولچ واللة تعبت اريد ارتاح ظهري تكسر من الگعدة ..

ضحكت وگتلها..

ترف: ليش گاعدة لعد وامي وين ..

اسيل: هو اني ادري خالتي وينها صارلي ساعة متانيتها  ماكو...

اريد احچي وقاطعني صوت عمتي ..

عمتي: شلونچ ترف لا تسالين لاتمرين..

باوعتلها بطرف عيني وگتلة..

ترف: مشغولة بدراستي ما الحگ ..

وچان تهمس اسيل بخبث ..

اسيل: متأكدة الدراسة لوو مهيع؟

خزرتها .. رجعت حچت عمتي بخباثة  ..