منقذي من الهلاك

هلاك 37

لا نورط روحنة بقصة عشگ

خاف لا نوصل مسافة ونفترگ.

~~~~~~~~~~~~~~~~~~~~~~~
_____________________________
تصويتكم ومتابعة حسابي وتعليقاتكم الحلوة بين الفقرات احبكم..

مطر : هلة عيني تعاي شوفي منو اجانة..

دخلت وفتحت عيوني بتفاجئ واني اشوف هبة بت عم مهيع .. دخلت وسلمت .. وگعدت يم موج ..

هبة : مبروك گالو حامل

ابتسمت بوجها وهزيت راسي ورديت عليها..

ترف : اللة يبارك بيچ تسلمين..

ورجعت گالت وهي معاجبها الوضع..

هبة : لعد شعدچ هلگد ضالة يم اهلچ ترى مو معناها مهيع راح خلصت واجباتچ...

صكيت على سنوني واني احاول اهدي نفسي .. اريد ارد عليها چان تگول مطر..

مطر : اخوية قابل واحنة قابلين على شنو بعد تدخلين نفسچ باشياء ما تخصچ..

هبة : واني اشگلت وهيچ گبييتي علينة سبينة العنب ..

موج : كافي بنات شنو هل سوالف اسكتن كافي ..

ما رديت عليها .. واجة آسر گعد بحضني ..

هبة : شنو هاي شلون گادرين تتحملون هذا وهو مو منكم وما معروف اصلة منين ما منين ..

صدگ هنا فرت عليها وگفت ورفعت اصبعي بوجها وگلتلها بحدة..

ترف : حدچ لهنا وكافي ما اسمحلچ تحچين وتجاوزين علي هذا ابني أن رضيتي والمارضيتي ييطبچ مرض افتهمتي لو لا ..

مطر : لاا عوفيها مبينة نست تحذيرات مهيع ذاك اليوم.. من عيوني اليوم اخابرة وعود هو يتصرف وياچ..

هبة : اووي هاي شبيچن علية ما گلت شي  ..

عفتهن وأخذت آسر وصعدت لغرفتي غيرت ملابسي وملابسة.. وطلعتلة حلويات من الثلاجة وفتحتلة افلام كارتون وخليتة ياكل .. رحت وعزلت الغرفة ومسحتها .. لحد ما اندگت الباب ودخلت موج .

موج : لا تزعلين منها هي گضت عمرها ما تحب أحد وتحچي اليجي على السانها ..

ترف : لا على شنو ازعل ما تهمني ..

موج : احم وها صدگ حاولي تجنبيها هاي الايام ..

عگدت حواجبي وسالتها ..

ترف : ايام؟

ضحكت ورديت علية..

موج : اي راح تبقى كم يوم مدري منين نزل عليها الوحي وشتاقتلنة ..

هزيت راسي وگعدنة على الجرباية .. باوعتلها وندستها بيدي وگتلها..