منقذي من الهلاك

" الهلاك الأخير "

" هل عيون شگد احبها "

" خرزايتي "

"امان روحي  "

..منقذي من الهلاك..

" بقلمي روح "
_____________________________
تصويتكم ومتابعة حسابي تعليقاتكم الحلوة بين الفقرات احبكم 🤍

دخلت ترف لغرفة العمليات والكل قلقانين وخايفين عليها ..

وچان هو اكثر واحد باين الخوف على ملامح وجها ومرعوب بس يكابر گدام الكل ويطمن بالهم بكلماتة بالـ ما راح يصير شي راح تطلع منها ترفة قوية وناسي يهدي باله عنها والخوف محتل گلبة عيونة عالباب  الغرفة وكلة أمل راح تطلع منها راح تعدي ..

تقرب منة علي زوج موج وخلة ايدة على چتفة وحچة بنبرة هادئة يطمن باله ..

علي : ما راح يصير شي مهيع راح تطلع منها ترف گدها هدي بالك ..

عض باطن شفتة وهز راسة ما گادر يرد على أي شخص يحس السانة ثگل وما گادر ينطق..

سند راسة على باب العملية وهمس بينة وبين نفسة بصوت غير مسموع ..

المهيع : لا تعوفيني بعد ما وصلنة لهاي اللحظة لا تهدين ايدي هسة محتاجج ما شابع منچ خرزايتي بعدني عطشان لشوفت سوادهن لا تعوفيني خرزايتي خلينة نشيل اطفالنة بين ادينة ونشم ريحتهم سوى لا تهدين ايدي هسة محتاجج كلش محتاجج جهالنة محتاجيج رجعيلي خرزايتي رجعيلي ..

جر نفس بحسرة وفرك وجها وبعد عن الباب .. ضل رايح جاي وكل فترة تمر يحس روحة تطلع منة..

الكل خايف وقلقان امها وعمتها يدعن تطلع بكل خير .. وعلي يهدي بال موج ومطر واگفة يم احمد ولازمة ايدة تهدي باله ابوها من گوة واگف على رجلي وچان باين الخوف علي.. علي اسيل أمير الكل چان خايف وبس يدعولها تطلع بخير وسلامة ..

مر الوقت وساعة ورا ساعة وخلص صبر مهيع وصار يصيح بكل غضب..

المهيع : شسالفة ليش هالتاخير شيسون لسة تررى موو حالة هاي ..

رد علي أخو ترف ..

علي : اهدى مهيع هاي عملية مو هينة ويطلعوها بسرعة ..

فرك وجها وصار يهمس بنفاذ صبر ..

المهيع : استغفر الله استغفر الله...

مر الوكت الحد ما طلعت الدكتورة تقرب منها مهيع بكل لهفة ورد ..

المهيع : شصار دكتورة شلونها ترف ..

ابتسمت وردت ...

الدكتورة : الحمدلله نجحت العملية وكلشي مشة طبيعي زوجتك بكل خير لا تخاف ..