منقذي من الهلاك

هلاك 44

وليس من سبب للحب اعرفة

وليس للحب بين اثنين تفسيرُ

لكنة النصف نحو النصف منجذبُ

تسوق هذا إلى هذا المقاديرُ..

~ منقذي من الهلاك ~

..بقلمي روح..

_____________________________
اريد تعليقاتكم بين كل فقرة حبايبي احبكم..

قاطعني ورجف بدني من گال كلام صدمني ..

علي : اريد فرصة ..

بلعت ريگي وگتلة...

موج : ش-شنو فرصة

علي : اريد انسى اريد اعيش كلش تعبت اريد ارتاح اريد منچ فرصة اريدچ توگفين وياي ..

نزلت دموعي ورجفت شفايفي رجعت حچيت بصوت مهزوز..

موج : شقصدك ما داافهم عليك..

باوعلي وفترة ضل ساكت لحد ما حچة ..

علي: اني اخذت قراري اريدچ تصيرين مرتي اريدچ موج اريدچ وياي ..

ابتسمت بكسرة وگفت گبالة وگتلة..

موج : تريد تنساها بية ؟ اي صح اني عندي مشاعر تجاهك بس مال نزوج وانت ماتملك مشاعر الي هذا الشي مستحيل ..چنت اتمنى من صغري تحبني مثل ما اني حبيتك چنت اتمنى بس مو كلشي نتمنى يتحقق.. تعذرني مستحيل اقبل بهذا الشي مستحيل انكسر مرتين..

درت وجهي واريد امشي رجع لزم معصم أيدي وجرني علي وحچة ..

علي : موج تعبت من نفسي تعبت من الجاي اعيشة صدگيني مو رايد انساها بيچ لاا وحگ علي مو هذا تفكيري  بس اريدچ وياي تسنديني اريد انطي النفسي فرصة اعيش مرة ثانية ..

ضليت منزلة راسي ودموعي تنزل.. رجع حچة ..

علي : لا تجاوبيني هسة فكري  بقرارچ واني راح اكون بنتضارچ قابل بجوابچ شما چان ..

دگ جهازي بعدت عنة وشلت جهازي لگيت مهيع يتصل ..

موج : لازم اروح مهيع وصل ..

درت وجهي ومشيت واحس گلبي يتگطع احس روحي متالمة ..

طلعت ولگيت مهيع وترف بالسيارة صعدت ...

المهيع: هلة بموجتي ..

باوعتلة من المراية وابتسمت من گوة بوجها ..

المهيع: شبيچ شو احسچ ضايجة ..

موج : لا ماكو شي بس تعبانة ..

هز راسة وشغل السيارة ... خليت راسي عالمراية واباوع للشوارع بروح طافية ما اعرف شنو اسوي ما جاي اعرف افكر باي شي احس گلبي يوجعني ...