منقذي من الهلاك

هلاك 60

يا بخت ذيچ العيون العايش الهن
ويا بعد چلمات گلبي الما گلتهن ..

" منقذي من الهلاك "

...بقلمي روح...
___________________________
تصويتكم ومتابعة حسابي تعليقاتكم الحلوة بين الفقرات احبكم 🤍🦋

مر الوقت وگمنة انريد انام چان يگول مهيع لموج .. كلام خبل علي ..

المهيع : موجوو حبي نامي يم الحچية انتي ومطر ..حچية اخواتي بأمانتچ ..

غطينة وجوهنة اني ومطر وكيان نخفي ضحكتنة من شكل علي وهو يخوزر بمهيع ...

المهيع: يلة حُبي خلينة نروح نام تعبتي من الدرب ..

باوعتلة بطرف عيني ورديت..

ترف: ماني نعسانة روح انت نام من انعس عود اجي  ..

المهيع: افاا ترفتي بس تعبتي ما يصير لازم ترتاحين..

ترف: ارد اضل وي البنات بعدين اجي ..

اخذ نفس وگال ..

المهيع: اااخ يااا  گلبي ..

عافني وراح للغرفة مخليها للخطار.. وعلي وكيان وعمي نامو بالمضيف واسر اخذتة عمتي نام يمها ..

واحنة گعدنة بغرفة الحچية ..

موج : والعباس علي على تكة اجة يخنگ مهيع ..

مطر : هههه بوية والقران مهيع شفطة ..

موج : بالله شسوي هسة ..

ندست چتفها وحچيت بخبث واني ارگص حواجبي..

ترف: ليش تردين تنامين يمة ضجتي؟؟

فتحت عيونها وضربتني على راسي بخفة وحچت ..

موج : اياا حقيرة شهل حچيي هذاا .

مطر : أي عيني يمها وشافتة وما راضية چا مثلي حبيبي بعيدد عنيي كيلووات الامتاار شسووي انتحرر چيبولي احمدد اشتقتوو لهووو ..

ضربتها على رأسها وحچيت ..

ترف: صوتچ ولچ فضحتينة ..

فركت رأسها وگالت ..

مطر: ها عالي صوتي ؟

موج : بس اگول الله يساعد احمد عليچ شلون راح يتحملچ ما ادري؟

باوعتلها بطرف عينها وردت ..

مطر : مثل ما علوش تحملچ يتحملني ..