منقذي من الهلاك

هلاك 56

شيَرجع ايَام الـ مُضن؟
-مِن چَنت بـَأسمي تغنِي
- مِن چَنت اذا يَوم اختِفي
- لو تبَچي لو تِرسمني .

..علي ..

" منقذي من الهلاك"

... بقلمي روح..
___________________________

خرزاتي حبايب گلبي اريد منكم تعليقاتكم تكون بين الفقرات وتصويتكم اريد تنطون حگ الرواية احبكم 🥺🤍..

ركضنة ورا لغرفة عمتي وهنا انصدمنة واحنة نشوف عمي واگع بالگاع ولازم گلبة ومنگوة يجر النفس وصدمتنة الأكبر من مهيع ركضلة وهو يصيح بكل صوت باين علي الخوف...

المهيع : بووووية ..

گعد بالگاع وشال راسة خلاة بحضنة وصار يفك ازرار قميصة وعمي عيونة صارت على مهيع وهنا صدگ بچيت من كل گلبي واني اشوف عمي نزلت دمعتة وهمس بكل اسف  لمهيع وهو يباوعلة ..

عمي : سـ-سامحني وليدي ..

باوعلة مهيع وهناك شفت الحسرة والخوف بعيون مهيع وشلون ايدة صارت ترجف وعيونة كلها نضرت خوف عرفت شگ مهيع گلبة ابيض وشگد ما حاول يبين للشخص انو هو يكرهة مستحيل يگدر ويكره شخص ..

بلع ريگة وگف على حيلة وشالة وعمتي والبنات يصارخن ويبچن بخوف اخذة خلاة بالسيارة وساق بكل سرعتة ...

عمتي اتصلت بكيان ثواني ونشوف كيان گبال الباب كلنة صعدنة ويا..

كيان: شكو عمة شصاير منو بالمستشفى ترى كلشي ما فهمت فهمووني ..

رديت واني ابچي ..

ترف: عمي فجاءة طاح وهينوب حالتة ..

فرك وجها وگال ..

كيان: أن شاللة ماكو شي ..

وصلنة للمستشفى ونزلنة واحنة نركض .. لگينة مهيع گاعد على وحدة من الكراسي ومنزل راسة ..

عمتي : هاا يمة ابوك وين ولــك ردد لا تشلع گلبي ..

وگف مهيع وضمها لصدرة وهي تبچي ورد بصوت يرجف ..

المهيع: ماكو شي أن شاللة اهدي يمة اهدي حبيبتي مابي شي راح يرجع لا تخافين ..

ثواني وطلع الدكتور ركضلة مهيع ..

المهيع: بشر دكتور شلون صار ؟

وهنا الصدمة الكبرا من گال الدكتور..

الدكتور : ابوك گلبة كلش تعبان ولازملة عملية وحالاً أي تأخير مو بصالحكم ...من رخصتكم ماعدة غير العافية..

عمتي گعدت وصارت تصرخ ومطر وموج شابگات عمتي ويبچن .. ومهيع ااخ يامهيع نضرت عيونة لباب الغرفة كافية تبين شگ خايف ومقهور على عمي ...