منقذي من الهلاك

هلاك 9

لم يكن البعد ذنبهم ..

ولاكن  الإفراط في الاقتراب كان خطيئتي

اقتربت أكثر من اللازم ...

فكسرت كسراً  لا يلقي بي

~~~~~~~~~~~~~~~~~~~~
_____________________________

صدمة وجع سكون اباوع لروحي وصلت للي چنت رايدتة كل هذا الوقت وصلت للامان بس هسة كلشي اختلف صرت خايفة وما حاسة هذا الامان الاريدة ومو هذا مكاني ....

وصلت لبغداد وگاعدة بمركز شرطة ومخلية آسر بحضني والسلسلة بيدي وخالتها على گلبي ودموعي تنزل بهدوء ... لحد ما سمعت صوت سامعتة من قبل
صوت يصيح بأسمي باوعت على مكان الصوت ونزلت ادموعي وچان اشوف اخوي علي واگف گدامي ..

وگفت واريد امشي رجلية ماتعيني صارت ترجف ووگفت على ركبي اجاني يركض وشبگني وصار يبچي ويبوس بوجهي ...

علي : ولجج ترف ولجج بنيتي وين چنتي يروح اخوچ ولج ليش هيچ شلعتي گلوبنة چنة متأكدين اي متأكدين انتي عايشة ولج مشتاقيلچ يروحي يومنة يمر عذاب وانتي ماموجدة ...

ساكتة ماحچيت شي وبس ادموعي تنزل ...

علي: احچي يروح اخوچ احچي باي شي سمعيني صوتچ وولچ مشتاقلچ اسمع صوتج احچي گولي اي شي گولي ...

نزل دموعي وفتحت حلگي ونطقت بصوت مجروح اثر الصياح  ...

ترف: ع-علي خ-خوية ..

رجع يبوس بوجهي ويصيح...

علي : يا روحة لاخوج  ياعمرة ولجج ترفة ششسويتي بينة خوية ..

ضليت ابچي على صدرة وضلينة هيچ فترة وبعدها رفع راسي وباسني وانتبة على آسر وگال..

علي: هذا منو وشيسوي عندچ

باوعت ل آسر وگتلة ..

ترف: ه-هذا مثلي چان عدهم و-ولگيناة وجبتة وياي و-وماعوفة أهلة ميتين ... واجة مهيع على بالي ورجعت دموعي تنزل .....
وهم ه-هذذا ا-امانة خلاة عندي  ما اعوفة...

آخذة مني وباسة وگال ..

علي: تامرين أمر يلة بنيتي گومي خل نروح للبيت مايدرون بجيتچ  خليهم يفرحون بشوفتچ ..

هزيت راسي وگف وشال آسر ورجع گومني وخلة ايدة على كتفي وطلعنة من المركز ... اباوع ناس هواي برة صرت احس هاي الناس خلها أعداء ويردون اياذوني  خليت ايدي على خصر علي ورأسي بصدرة حس علية باس راسي وگال ...

علي : لاتخافين ترفة بنيتي صرتي هسة بأمان ماكو شي بعد ياذيچ ويبعدچ عنة اهدي حبيبتي ..

هزيت راسي ومشينة للسيارة  صعدنة وساقها ...خليت وجهي على الجامة واباوع على الناس ودموعي تنزل بهدوء على وجهي ...