منقذي من الهلاك

هلاك 40

احبك بعدد قطرات مطر

نتزلت على نوافذ الصمت

فأنطقت منازل الشوق بلهفات الحب ~

" منقذي من الهلاك"

"بقلمي روح"

_______________________________

تصويتكم ومتابعة حسابي وتعليقاتكم بين الفقرات احبكم...

باوعت وين تأشر وفتحت عيوني بصدمة واني اشوفها تأشر على احمد .. ابتسمت بخبث وباوعتلها وگلتلها ..

ترف : زين ما اتعرفينة هذا منو ..

تنهدت بحسرة وردت ..

مطر : اكيد واحد من أصدقاء مهيع المقربين لهذا السبب عزمة..

ترف : تردين رقمة ..

مطر : يا ريت هيج ربي يفتح بوجهي هم دكتورة وهم هيچ احصلي رجل كلة كارزمة وأناقة..

ترف : من عيوني هسة اروحلچ واجيبلچ رقمة ..

عفتها ورحت وهي فتحت عيونها بصدمة.. تقربت منهم چان مهيع واگف يم احمد ويسولفون .. باوعتلها وهي تخزرني وتاشرلي ارجعلها .. فترة وصحتلها وهي وجها صار طماطة من الخجل ..

ترف : تعاي مطر ليش واگفة وحدچ ..

باوعلها مهيع ورد عليها..

المهيع: تعاي دكتورتي ..

تتقربتلي وهي تتحلف بية وگفت يم مهيع .. وأحمد باوعلها وگالها ..

احمد : مبروك ..

بلعت ريگها وردت علي ..

مطر : شكراً..

ترف : مطر هذا احمد اخوية ..

بهت وجها بصدمة وصارت عينها علية وعلى احمد .. هزت راسها واجت من طرفي وهي تگرص بخصري وتهمس ..

مطر : اياا حقيرة ليش ما گلتيلي وهذا وين چنتي ضامتة شو ما شايفتة ..

ترف: اخوية عيني بس ما تعرفي لأن ما شايفتة ههه ها عجبچ موو ..

مطر : انچبي عوبة ..

عافتني وراحت واني اضحك عليها بداخلي .. فترة ودخل علي وكيان .. تقرب كيان ولزم مطر ..

كيان : ولچ مطيرة رفعة راسي عرفتچ طالعة علية

اجة مهيع من ورا وحاجاة ..

المهيع: ليش وأخوها وين راح ..

كيان : انچب انتة هاي ذكية وبس اني بينكم ذكي وفمبينة عليمن طالعة ..

المهيع: لا واثق  هواي من نفسة ..

مطر : اني على اخوية تاج راسي..