منقذي من الهلاك

هلاك18

يا ليتني استطيع ان القاك

أن رف قلبي أو أتت ذكراك

با ليتني اصحو وامسى دائماً

أما على حرفيك أو لقياك ..

~~~~~~~~~~~~~~~~~~~~~~

..« چنت شايل دنيا بيدي ومن لگيتك صفگت »..

.. المهيع..

~~~~~~~~~~~~~~~~~~~~~~~~~
__________________________________

المهيع: خرزاية گلبي..

غمضت عيوني ونزلت دموعي درت وجهي ورفعت عيني واجت بعينة تقرب بطئ ويعيونة صايرات حمر
وگف گبالي وشال ايدة ولزم خدي وهمس ..

المهيع: ماجاي اصدگ عيوني بشوفتچ ..

اخذت نفس ورجعت  ليورة مسحت دموعي ودرت وجهي اريد اروح لزم ايدي ودارني علية وهمس مستغرب تصرفي  ..

المهيع: شبيچ ترف أنة مهيع ..

باوعتلة بعيون متثگلة بدموعها وهمست بصوت مهزوز ...

ترف: ع-عوفني ارد ا-اروح ..

لزمني من معصم ايدي بقوة وجرني لورا الكلية چان بيها حديقة مو دائماً يكون بيها طلاب .. جرني وگفني گبالة ولزم وجهي وگال ..

المهيع: ليش هيچ داتتصرفين ترف اني مهيع ما شتاقيتي لشوفتي شبيج بوية ...

باوعتلة وصرت اضرب بصدرة واصيح ودموعي تنزل ..

ترف: ااني ما مشتاقة انيي ليش سووييت هيچ تدري شصار بية كل هاي الفترة تدري شيصير بية من تجي فكرة انت متت باللي گووول تدري الليل صرت ما انامة وإذا نمت افزز على كابوس  تردي  شصااار بية من شفت البيت الدخلتلة  نفجر بيك  ليش خنت بوعدك ليش هيج سويت بية  ليش واللة تعبتني مهيع هواي تعبتني...

لزم ادية وضمني بصدرة وصرت اشهگ .. همس قريب اذني

المهيع: اسف خرزايتي مو بيدي عفتج واللة مو بيدي  كلشي اشرحلچ وافهمج بس اهدي ولاتبچين گلبچ راح يوگف ..

ضلت دموعي تنزل.. لزم ايدي وجرني گعدني على مصطبة وگعد گبالي وباس ادية من باطنها  ولزمهة بقوة  ورفع راسة وگال   ..

المهيع: خرزايتي ادري زعلانة مني هواي بس بذيچ اللحظة ما چان عندي خيار ثاني چانو أرواح هواي جنود برگبتي والله چنت اتمنى اني ارجعچ وبيدي اسلمچ بس مو بيدي وداعتچ چنت مجبور ..

ضلت دموعي تنزل گام وگعد يمي ولزم وجهي خلاة على صدرة ومسح دموعي وهمس ..

المهيع: دموعچ ينزلن جمر على گلبي .. كافي خرزايتي ..

مسحت دموعي ورفعت راسي وگتلة ..

ترف: ليش من رجعت ما اجيتني وعفتني ..