منقذي من الهلاك

هلاك 53

كُل صَفنة حِزن تكسَر ضِلع بلروح ♥

" منقذي من الهلاك "

...بقلمي روح...
__________________________
تصويتكم ومتابعة حسابي تعليقاتكم الحلوة بين الفقرات احبكم ❤️

ضلو بهل حالة لحد ما بعد مهيع ومسح وجها وباس راس اسر ولزم ايدها وجرها ورا لحد ما دخلو المضيف ...

وچان المضيف مليان زلم معگلة صارت ورا ظهر مهيع وهي ضامة أسر بقوة ..

باوعلهم مهيع وحچة ..

المهيع: هذا هو أسر ابني ربة بينة وبين ادينة ومثل وما دارينا وخفنة علي أكثر من روحنة اليوم اسلمكم أسر مو كأبن الكم لاا اليوم أسر اسلمة الكم امانة اريدكم تخلو بعيونكم وتحافضون وتصونون  هاي الأمانة وخلوها بالكم أسر مانة يتيم عندة أب وأم يوگفون ويسندون ظهرة ويگفون بوجهة كلمن يفكر ياذي ..

حچة واحد من عمام أسر..

: لا تخاف عمي هو ابنة وابن الغالي راح نداري ونخلي بعيونة ..

هز راسة ودار وجها باوعلي باوعت بعيونة وهزيت راسي بلا .. قرب مني وهمس..

المهيع: صار الوكت ودعي وليدچ ..

بس نطق بكلامة صرت اشهگ واني ضامتة واشم بريحتة .. من گد البچي البچيتة نص الزلم عيونهم دمعت لحالي وصارو يستغفرون  ..

وگف گبالي نفس الرجال الوعد مهيع وباوعلي بحزن وحچة ..

: ادري بوية صعبة عليچ وانتي الربيتي على ايدچ واحنة هنا كلنة متشكرين منچ ولو شنو سوينة ما نوفيلچ معروفچ بس وليدنة هم عندة أهل ويردون يشوفونة ومتلهفين علي تگدرين باي وكت تشوفينة ما راح نمنعچ وهذا حقچ تبقين امة الربتة ..

باوعتلة وحچيت واني اشهگ..

ترف: ا-اسر عندة حساسية من الموز ابد لا توكلونة لان يتخربط كلش ويتاذة وكل شهر لازم يتسوالة فحص عام لصحتة ..د-ديربالكم على وليدي امانة

ما گدرت أكمل وشميتة وبستة واخذة مني مهيع ضمة بقوة وبعدها خلاه بيدهم ..

وما صرت اشوف بس  اسر بدى يصارخ وما يريدهم ياخذونة ودعو مهيع ودارو وجهم حتى يطلعون وبس أسمع صريخ أسر ..وي كل صرخة منة روحي تروح ..

أسر : امااااا لا تعوووفينييي امااااا

احس روحي شاطت گعدت بالكاع وصرت اضرب بوجهي واصيح....

ترف: راااااح منييي راااح وليددي راااح ..

گعد مهيع گبالي وضمني بقوة واني أصرخ ..