منقذي من الهلاك

هلاك 16

وهل يجتمع الحب والخوف ؟!

_نخاف لأننا نخشى فقدان مانحب .. ونحب لأننا

نضن أن الحب ينسينا الخوف .. الحب والخوف

توأمان .. ليل لا يفضح ضلمتة الا نهارة ..

_ اتمنى لك حباً مات توأمة.. حباً من دون خوف ..

~~~~~~~~~~~~~~~~~~~~

..« سهرنالك دهر ماچيت »..

..ترف..

~~~~~~~~~~~~~~~~~~~~
_________________________________

مر ست اشهر ..

واليوم الي اخر يوم امتحان خارجي .. كل ذيج الفترة المرت  بديت اغيير من نفسي وماصرت اهتم لاي كلام يحچونة ضدي صرت ترف قوية .. درست وحاربت حتى اوصل ...

ضليت گاعدة  للفجر وهاي العادة مابطلتها تعودت عليها حتى فترة الامتحان أضل گاعدة واروح امتحن ومن ارجع يلة انام واليوم اخر يوم امتحان بعد كل هل تعب ..

رحت سبحت ولبست ملابسي ولگيت امي وعلي گاعدين لأن علي هو يوصلنة اني واسيل ...

ترف: صباح الخير..

باوعولي وبتسمو ..

علي: صباح الورد ..

رحت گعدت يم علي باوعلي وگال ..

علي: ما دام اليوم اخر يوم من تخلصين باليل عازمكم على العشا برة ...

ضحكت وگتلة ..

ترف: تسلملي حبيبي ..

گعدنة نتريگ وخلصنة وطلعنة اجت اسيل يمي ...

اسيل: شلونج ولچ صعب صعب شلون بينة ..

ابتسمت وگتلها ..

ترف: اهدي على كيفچ لاان متوترة هيچ تحسين ..

اجة علي ابتسم وگال..

علي: لك شنو هل صباح صباحچ مريتي ..

باوعتلة بطرف عينها وگالتلة ..

ترف: علي روح عني روحي طالعة ..

علي: ليش گولي يا اللة إذا ماطلعتي دارسة وبس تردين طردين عيون ..

ضحكنة وصعدنة بالسيارة ... وصلنة للدوام ودخلنة للقاعة گعدنة بمكاناتنة وزعو الاسئلة بديت احل والحمدلله طلعت الاسئلة سهلة .. حليت وطلعت  وشوية واجت اسيل ...

ترف: هاا بشري ...

باوعتلي وضحكت وگالت..

اسيل: لاا سهلة همزين اجيت اموت ..

خلينة وطلعنة لگيت امير جاي بسيارة علي ومتانينة ... صعدنة وگال ..

امير: هااا بشرن ماجاوبتن موو اعرفچن عوبات مادبرنها ..