منقذي من الهلاك

هلاك 48

انا الناي ..

البچة أعلى اجفاك..

والغنه بمواويلك

" منقذي من الهلاك"

...بقلمي روح...
__________________________

تقليقاتچن بين الفقرات مووتني 😭😂💕

"موج "

ترف: ما اريدك اكررهك ما اريد اضل وياك ..

وگف مهيع وعيونة صارت دم يباوعلها بصدمة وما مستوعب الحچتة لحد ما كملت وگالت كلام صدمنة كلنة..

ترف: طلگني ما اريدك بعد

اباوع لمهيع ونزلت دموعي واني اشوف الكسرة بعيونة ضل يباوعلها وايدة صارت ترجف وحسيت على دقيقة راح يوگع من طولة ..

هز راسة وراد يتقرب منها وگف بوجها علي ..

علي: مهيع اهدء وخليها تجي وياي مبين مو بوعيها خليها ترتاح يمنة كم يوم لحد ما ترجع عافيتها ..

لزم أيدها واخذها وطلع گدام عيون مهيع .. ضلت عيونة متعلگة عليها وهو يباوعلها بكل كسرة وحسيت حمل الدنيا كلها صار على چتافة ..

تقربنة منة وامي خلت أيدها على كتفة ونزلت دموعنة وصرنة نبچي لحالة  باوع لامي وحچة بصوت خافت ...

المهيع: يمة واللة ما سويتلها شي ومعزتها بگلبي ما اذيتها ليش عافتني ليش كرهتني ..

بچت امي وشبگتة وهو بس صافن وما مستوعب الصار بعد عنها وخلة وطلع ..

عمتي: راح ابني راح من ايدي ..

لزمتها وگتلها واني ابچي ..

موج : يمة اهدي ماكو شي أن شالله تعدي ..

هزت راسها وردت وهي تشهگ وتحچي بحسرة ..

عمتي : ولچ يمة ما تعرفين تفكير اخوچ هسة حسبالة خرزايتة عافتة مثل ما أمة عافت ابو وليدي وانة الربيتة واعرف تفكيرة ااخ يا مهيع ااخ يوليدي ما شفت الراحة بحياتك ..

ضلينة نبچي وخايفين عليهم ثنينهم وما نعرف شنسوي ايدينة مربطة...

.

اسيل ..

دخلت ترف بس مو هي حسيناها شخص ثاني حسيتها جسد بلية روح وجها تعبان واصفر شگد ما حچينة وياها ما ترد وبس صافنة عالحايط وساكتة.. الولد طلعو من البيت ما تحملو منظرها وهي بهل شكل وعمتي حاطتها وتبچي على وضعها ..

دخل علي وگف يمها وباس راسها وهي ما بيها أي ردة فعل .. باوعلنة وتنهد وحچة ..

علي: اخذت موعد يم دكتور كلها تمدح بي انروح ونشوفة بلكت يوگع عالعلة ويشافيها ..