منقذي من الهلاك

هلاك47

واذا التقينا والعيونُ روامقُ..

صمت اللسان وطرفها يتكلمُ..

" منقذي من الهلاك "

...بقلمي روح...

______________________________

ولچن تعليقاتچن بين الفقرات مووتني😭😂💕

المهيع: شعجب صارلها مدة ما مرت

عمتي: اجت باركت الترفة وهم طلبت ايد موج لعلي..

رفع مهيع راسة وباوع لعمتي وگال كلام صدمنة وضلينة واحد يباوع  لثاني ..

المهيع: عيدي شطلبت ..

عمتي: ايد موج ..

قبض ايدة وعروگ رگبتة بينت وبأن علي الغضب ..باوع لعمتي ورد..

المهيع: ما موافقين رديلهم خبر ..

عمتي: ليش يمة شبي علي ..

رجع حچة عمي ..

عمي: ليش مو صديقك وخوش ولد ليش رافضة ..

وگف وباوعلهم ورد ..

المهيع: بكيفي موج ومطر ما انطيهن لا لعلي ولا لغيرة ...

عافنة وطلع ..

عمتي: شبي هل ولد هسة شلون اخابر المرة واگلها  واللة فشلة..

مطر : ما توقعت مهيع يرفضة ..

ترف: حتى اني ما تخيلتها..

مطر: احچي ويا بلكت يغير راية ..

ترف: الله كريم ..

گمنة ولمينة السفرة درت وجهي وچان اشوف موج واگفة عالدرج وباين عليها الحزن باوعتلي وابتسمت بانكسار وصعدت ..

غمضت عيوني ودعيت اللة يعديها على خير.. مر الوكت ورجع مهيع صعد لغرفتنة ..خليت وصعدت ورا ..

دخلت لگيتة نازع قميصة ضال بالفالينة وفاتح الكنتور.. تقربت منة وحچيت..

ترف : مهيع ..

باوعلي وحچة..

المهيع: ترف ما اريد احچي بالموضوع ..

خلة ودخل للحمام .. تنهدت بيأس وحسيت نفسي اختنگت ..خليت ونزلت للصالة .. گعدت وفكرة تأخذني وفكرة ترجعني لحد ما مر الوكت ..

وما حسيت بس مهيع خلة راسة بحضني ابتسمت وصرت امسد بشعرة فتح عيونة وباوعلي وحچة..

المهيع: ليش نزلتي ..

ترف: صايرة اختنگ من الغرفة ..

لزم ايدي الثانية وباس باطنها وهمس ..

المهيع: بس يمچ الگة راحتي ..

ابتسمت ونزلت راسي بست جبينة وگتلة..