منقذي من الهلاك

هلاك 35

واراك حيث أدرت عيني ماثلاً

طيفاً يراود صحوتي ومنامي

فتجود في طرف الحنين مدامعي

ويضيق  في وصف الشعور كلامي..

~~~~~~~~~~~~~~~~~~~~~~
_____________________________

لا تنسون تصويتكم ومتابعة حسابي وتعليقاتكم بين الفقرات احبكم ...

لحد ما يوم دخلت لغرفتي واحس گلبي رجف  بخوف وعيني علي ..وحيلي باد واني اشوف مهيع واگف ويجمع بملابسة بجنطة وبدلتة العسكرية مخليها على الجرباية .. تقربت منة وحچيت بصوت يرجف ...

ترف : شداسوي ليش لام ملابسك ..

باوعلي وابتسم ورد بكل برود بعد ما رجع يرتب بملابسة ..

المهيع: دزو علينة وباچر لازم نرجع للموصل..

احس گلبي راح يوگف .. لزمت ايدة ودرتة علية وحچيت بانفعال..

ترف : جااي ا-احچي وياك باوعلي اكيد ج-جاي تشاقة ..

رفع ادي ولزم وجهي وهمس..

المهيع: شبيچ ترفة ..

بعدت ادي عني ورجعت ليوة وگتلة بحدة...

ترف : گلي جاي تشاقة وما ترجع للموصل ..

المهيع: لا ما جاي اشاقة ..

ضليت اباوعلة ودموعي نزلت ...هزيت راسي وگتلة..

ترف : لاا م-مستحيل ما ترجع لهناك مو بكيفك م-ما ترجع ..

رجع لزم وجهي وحچة بقلق..

المهيع : ترف شبيچ بابة واذا رجعت هنا كم يوم وارجع ..

دفعتة عني وصرت اضرب بصدرة واصيح..

ترف : مووو بكيفك ما تررجع لهنااك انت شغلك هناا ماترجع للموصل م-ما اريد اخسرك مرة ثانية ما ااگدر ..

ضمني بين ادي واني اشهگ وهمس ..

المهيع: ما يصير شي وداعت عيونچ واللة راجعلچ وباقيلچ ما عايفچ  باقيلچ أنة ..

رفعت ادية وشبگتة من رگبتة وهمست بصوت مهزوز..

ترف : لعد ابقالي ولاا تروح ابقى يمي ولا ترجع لذاك المكان لا تعوفني مهيع ..

باس رگبتها وهمس ..

المهيع : مو بيدي ترفة لازم اروح بس 15 يوم وراجعلچ بس ذني الايام  ..

ترف : لااا متروح ..

بعد عني ولزم ايدي وجرني ورا گعد على الجرباية وگعدني بحضنة شال ايدة ومسح دموعي وهمس..