منقذي من الهلاك

هلاك 52

انت شمامة حياتي ، وسالفه روحي الوحيدة ♥

" منقذي من الهلاك"

..بقلمي روح..
_________________________
تصويتكم ومتابعة حسابي تعليقاتكم الحلوة بين الفقرات احبكم ❤️

رجف حيلي لكلامة رجعت ابتسمت بتوتر وحچيت ما مصدگة الحچى..

ترف: هاي شبيك اليوم مهيع لا تسوي هيچ جاي تخوفني ..

نملت عيونة بدموعة ورجع نطق بصوت مكسور..

المهيع: عمام اسرنة يطالبون بي يردونة ..

احس نفسي ضاگ ورجلية اهتزن لولا ايد مهيع لزمتني .. باوعتلة ودموعي نزلت وگتلة واني الهث ما اگدر اجر الهوا ..

ترف: جاي تشااقة اكيد ا-اني امة احنة عائلتة ما عندة غيرنة اسر وليدنة ما عندة غيررنة گلي جاي تشااقة گولها فدوة گولها لا تشلع گلبي مهييع احچييي شيي لا تضل ساكت ..

المهيع: للأسف هذا الصار عرفو اسر عدنة ..

بعدت عنة وهزيت راسي وگتلة..

ترف: لاا انت گلت اهلة ميتين اذن هذولة چذابين مو اهلة احننة أهلة احنة ربيناا ..

المهيع: ترف افهميني ذولة عمامة ساكنين بغداد وعدهم وثايق ثبتو بيها هما اهلة ..

وهي تشهگ..

ترف: وشنووو يعني انة ربيتة بعد خمس سنين جايني يطالبون بي هذااا أبني ما ياخذون مني ..

تقربلي وضمني لصدرة صرت اشهگ بكل خوف وحچيت واني لازمة بقميصة ..

ترف: مهيع لا تخليهم ياخذونة اموت وواللة ما اگدر بلاية ابني فدوة لخاطري لخاطر اسرنة سوي شي..

بأس راسي وضمني آلة أكثر وهمس بصوت متشحرج ..

المهيع: ااش اهدي انة يمچ راح اسوي أي شي لخاطركم بس اهدي و اوگفي وياي لا ضعفين قوتي بيكم أنتم ..

وبهل الاثناء دخل اسر للغرفة بعدت عن مهيع ومسحت دموعي تقرب منة وگف اگبالي ابتسمت بحزن وگعدت على ركبي گبالة ..

باوعلي وبرطم برائة وحچى ..

اسر: اماا اشبيج ابچين ..

ابتسمت بتزيف وحچيت ..

ترف: انت تحبني ..

هز راسة بااي رجعت سالتة ..