منقذي من الهلاك

هلاك 6

الحب ليس طرفاً يأخذ وطرفاً يعطي ..

والحب ليس واحد يتكلم والآخر يستمع..

الحب كالتصفيق لن ينال الا بكفين معاً .....

&_&__________________________

ترف !!

تقرب علية واني صرت ارجع ليورة اريد احچي ما اگدر لحد ما ارتدمت بالحايط غمضت عيوني ونزلت ادموعي  واردد بداخلي ...

ربي ماعدي غيرك ربي ساعدني ولاتخلي يقذرني بوصاختهم والله ما اگدر بعد اعيش إذا لزمني ربي ساعدني ربي ساعدني ..

ضليت اردد واني مغمضة عيوني واحس كلشي انتها وماعدي شي بعد اسوي .. حسيتة صار اگبالي ويضحك اهنااا اني انكمشت وضغطت على عيوني وأيدي ..

الداعشي : ماذا بكي يا.....

ما كمل كلامة وسمعت الباب اندفع وگع الباب بالگاع فتحت عيوني وهنااا صدگ بچيت وصرت اشهگ .. باوعت ابو دمار واگف وبس عيونة صايرات حمرر  طالعات ولازم السلاح  باوع لداعشي ميل راسة وگال فحيح غاضب ....

ابو دمار: تو تو تو ماكو احد گايلك من قبل خصوصيات المهيع اليدنالهن  راح يكون اخر يوم بعمرة ..

ابتسم ورفع السلاح ورما .. سديت اذني و وگعت بالگاع وصرت ابچي .. تتقرب مني وگعد گبالي ولزم وجهي بثنين ادية وهمس ..

ابو دمار: ترافي شوو باعيلي باعيلي بنيتي لاتخافين مات ماكوشي انتي بأمان ..

دفعتة عني وگع شالي وتهسترت  وصرت اضرب بصدرة واصرخ وابچي ..

ترف: ويييين عفتنيييي ويييين الامان وييين وين وعدك آلية مووو گتلي احميچ ليش عفتنيييي ليششش تدريييي اشصار بية وين چنتتت عني ه-هواي تانيتك تاخرت ل-ليش

ضل صافن علية عافني أفرغ البگلبي يلة حاچاني نزل راسة لمستواي وخر شعري من وجهي  وضمني لصدرة وصرت اشهگ بالزايد وگال بمهس ..

ابو دمار: اسف يروحي انتي كافي اسف والله ماعفتچ موبيدي اتاخرت عنچ والله اسف اهدي بنيتي انتي مو گلبچ راح يوگف ..

بعدني عنة وخر شعري خلاة ورا اذني ومسح دموعي حچيت والشهگة لسة بية ..

ترف: ه-هذا د-دخل هناا و-وراد ..

ابو دمار: اشش كافي محد يلزم شعرة منچ ابن أمة اليدوسلچ على طرف واني وياچ خرزايتي بنيتي كافي بچي مو خريزاتي راحن ..

مسحت دموعي وگتلة

ترف: ب-بعدد ماتطلع وتعوفني وحدي ت-تاخذني وياك ..

ابتسم وأشر على اعيونة وگال..

ابو دمار: من عيوني هاي قبل هاي ..

نزلت راسي وباوعت على الداعشي البلگاع .. لزم وجهي ودارة علي وگال  ..

ابو دمار: لاتباوعين ..