منقذي من الهلاك

هلاك 15

لقد كنت اتخبط بين ثنايا
روحي بين الكتمان والافصاح
بما في داخلي فلا عقلي يرضى
بالذي اريدة ولا أنا ارضى بالذي
يريدة عقلي كلانا اضاع
             مايريد ...

~~~~~~~~~~~~~~~~~~~

..« اضحكيلي وتلگيني شاري وبايع الدنيا بضحكتچ»..

..المهيع..

~~~~~~~~~~~~~~~~~~~
____________________________

مر اسبوعين وأهل اسيل ردولنة خبر  الموافقة وقررنة باچر انسوي الخطوبة ..

گعدنة كلنة من الصبح انظف البيت وي أمي.. وامير شلع اگلوبنة عود ينضف ويساعدنة ..

امير: هاي الخوة هيچ شوفني شلون واگفلك اعليوي وگاعد من الصبح لخاطرك ..

گلب عيونة علي وگالة ...

علي: والله ذليتني يا اخي منو طالبك منو گالك تعال ساعدنة ...

احمد : عوفة علاوي عوفة مقهووور ...

باوعلة بطرف عينه وكأل ..

أمير: على شنووو بالللة ..

وگف احمد يم الباب وصار يغني ويدگ على الباب ويگول ..

أحمد: وكلها تزوجت بس بقت أُمُيرة  ...  وكلها تزوجت ردووو..

وصرنة نرد ورا ونصفگ ... باوعلنة امير وگال

امير: ه ههه تضحكون واللة ..

ضلينة نحارشة ونشاقي .. ما خلصنة للعصر دخلت للحمام سبحت وبس خليت راسي على المخدة نمت من التعب ...

گعدت تقريباً بالعشرة باليل اخذت كتابي وطلعت بالحديقة اقرة .. واني جاي اقرة دخل علي من برة انتبهلي واجة گعد يمي باس راسي وگال..

علي: الله يساعدچ بنيتي..

ترف: ويساعدك حبيبي ..

باوع للكتاب وگال ..

علي: عندچ  شي صعب ما مفتهمتة ..

هزيت راسي بلا وگتلة..

ترف: لا والله جاي اقرة يعني تقريباً سهلة المواد ..

هز راسة.. وسكت فترة رجع تنهد واحس بحلگة حچي .. باوعتلة وگتلة..

ترف: شبيك علي احس تريد تحچي شي ..